كفر صقر واولاد صقر اعادة على المقعدين

فى بيان صدر من مستشار اللجنة 13 فى السابعه صباحا لليوم التالى من الانتخابات اعلن فيه اعادة الانتخابات على المقعدين فى الفئات

فى بيان صدر من مستشار اللجنة 13 فى السابعه صباحا لليوم التالى من الانتخابات اعلن فيه اعادة الانتخابات على المقعدين فى الفئات بين محمد على يوسف مرشح الحزب الوطنى والعقيد سامى الألفى مستقل وعلى مقعد العمال عصام منصور عبد الرازق مرشح الحرب الوطنى ونظيره الوطنى محمد على اسماعيل الحلوانى واستقبل انصار المرشحين هذا البيان بصدر رحب دون اى تعديات او اعتداءات فيما اتهم الكثير من الناخبون اللجان بالتزوير وتسويد اللجان منذ بدأ اللجان . حيث صدر بيان النتيجة بعد عدة طعون من المرشحين على ماسبق من اتهامات لتسويد اللجان واتهامات بتكسير 4 صناديق اقتراع مماجعل وقائع تزوير فى الاصوات

اقرأ ايضاُ اخبار متعلقة على جريدة اخبار

34 comments
  1. ابن البلد 09/12/2010 17:51 -

    الحمدلله على فوز الحلوانى ابن اولاد صقر ونتمنى له التوفيق فى خدمه ابناء الدائره الكرام

  2. ابن الحسينية 08/12/2010 12:55 -

    الف ميلوووووووووووووون مبروك علي ولاد الحسينية نجااااااااااح اللواء // مشهــــور الطحاوي ( فلاحين / عمال ) بأكتساااااااااااااح علي المقعد

  3. محمد الصاوى من السعوديه 07/12/2010 17:14 -

    كلمه اخيره اقولها فى حق المرشح محمد ع يوسف حضرتك افضل حاجه عملتها فى حياتك هى فعلا توظيف 3 من اصحاب الوظائف وفعلا الناس ده كانت تستاهل وهما احمد ميمى ومحمد طفطف واحمد انور فعلا الناس ده تستاهل بجد لان ظروفهم وحشه ونعرفها اما الباقى فحدث ولا حرج طبعا حضرتك عارف الهجارسه والعائلات المحترمه وطبعا اعيان حى النصر والباقى معروف بصراحه حاجه مممله ياريت تتغير افكارك وتعرف بجد مين محتاج ومين مش محتاج لان ده هتتسال عليه عند ربنا وشوف الغلابه العجزه المحتاجين ده ناس فعلا محتاجه سلاااااااااااااااااااااااااااااااااااااااااااااام

  4. محمد الصاوى من السعوديه 07/12/2010 17:09 -

    ياريت اى حد يقولى اخبار البلد ايه الامور كويسه ولا لسه فيه مشاكل الناس اخبارها ايه مين زعلان ومين مبسوط طبعا اكيد المبسوطين معظمهم مرتزقه بتوع الجنيهات معروفين طبعاولا افصح عنهم فى كتاباتى القادمه ياريت الناس ده تفهم ان هما ولا حاجه وممكن اى حد يشتريهم بفلوسه يعنى ملهمش ثمن زى رباط الجزمه بيتفك فى اى وقت وبعدين الوظائف اللى جايه لمين للغلابه والمساكين والمحتاجين اللى ملهمش عائلات ولا هتكون لاصحاب الاراضى والنفوذ والمصالح واصحاب العائلات فعلا حسبى الله ونعم الوكيل فى حد من الناس ده فكر فى واحد عاجز ولا واحد عنده اولاد وظروفه زفت ع مااعتقد لا الناس ده بتفكر فى نفوذ ومصالح شخصيه وبس ياريت الصوره ده تتغير من المرشح محمد ع يوسف عشان يقدر يرجع الناس تانى ويحبوه تانى زى اول دوره فقط انما بعد كده الصوره اتعكست بعد اول دوره والسبب معروف مين اللى ورا كده ولا عزاء للحاقدين واصحاب المصالح والعنجهه الكدابه والعبايات الاونطه ودور التمثيل معروف طبعا والحج راح والحج وصل كلها نفخه كدابه ومعروفه كله فى الفاضى

  5. محمد الصاوى من السعوديه 07/12/2010 14:46 -

    احب اضيف حاجه لاخى العزيز عصام سراج الدين منصور انا صاحبك وحبيبك وكل اصحابى هما اخواتك سواء بيبو كريم مندى برجر كل الناس بتحبك واخواتك وصدقنى هى ده لعبه الانتخابات وانت جربت وانا قاعدت معاك قبل الانتخابات واتكلمنا كتير انا والسيد صبور فى كل اللى حصل ده وانت عارف ان اصحابك هما اللى وقفو جمبك صدقنى بس وقفو بالاصول وبعيد المشاكل ياريت تفهم ده كويس

  6. محمد الصاوى من السعوديه 07/12/2010 14:39 -

    بسم الله اول كلامى انا بقول للناس ارضو بالنصيب لان ده قدرنا وربنا يقدرنا ونستحمل ده وبعدين هى اول ولا اخر مره ده يحصل احنا ع طول فى كده الانتخابات خيانه كبيره ووهم للناس صدقونى الفلوس هى اللى بتلعب دورها وصدقونى اللى الحكومه عايزاه هو ده اللى مطلوب يعنى ريحو نفسكو وقولو ربنا معانا واحب اقول كلمه للاستاذ محمد على ع بالرغم احترامى له كشخص اقوله صدقنى وراك ناس للاسف مشوهه صورتك وياريت تبعد الناس ده وانا خايف عليك تطبع بطبعهم ربنا يسترها عليك وعلينا وصدقونى انا بقولها النائب الحقيقى ليس محمد على يوسف بل شله الانس اللى وراهوربنا يصبرنا ع ده ونستنى خمس سنين بدون اى فائده واحب اقول لرجاله كفر صقر وخصوصا حى النصر فعلا الكفر فيه رجاله وصدقونى لما بيقف جمب بعضه بنبقا حاجه كبيره جدا ع مااعتقد ده ظهر مع النائب الحقيقى محمد فاروق واكد هو والنائب عصام عبد الرازق لان كان املى ان الاتنين ينجحو واقول لرجاله كفرصقر باقى شويه كلاب فى الكفر لازم ينضفو ويبعدو عن الفلوس صدقونى بيتقال ف الاخر ان المرشح فلانى وعلانى اشتره اصواته وفعلا ده حقيقه لازم تعرفوها واكيد انتو عارفينها وعاملين نايمين وانا عارفهم بالاسم ولو فيه حد نفسه فى حاجه يدخلى وانا اعرفه نفسه كويس للى عايز يدافع عن شويه قروش خدها ياشويه مرتزقه وكلمه اخيره للنائب الحقيقى محمد فاروق واكد يااستاذ محمد وربنا انت كبير جدا وراجل شهم وفعلا انت خير ما يمثلنا لان اللى بيتربى فى بيت بشوات لازم يكون باشا يعنى ابن الوز عوام بس نتحد كرجاله وده البدايه ياكفر صقر وكلمه اخرى للاستاذ عصام عبد الرازق متزعلش الانتخابات غدر وخيانه وانشاء الله تكون ده بدايه لمعرفه الانتخابات وكيفيه التعامل معاها لان الانتخابات غدر ع مااعتقد حضرتك جربت ده وربنا معاك واحنا وراك مع النائب محمد فاروق واكد حتى لو الاتنين عمال احنا معاهم لان القانون بيسمح بكده وسلام الختام للمرتزقه اللى مبسوطين عشان هيعيشو 5 سنين من العز والرشاوى وانتو بقا عارفين الباقى وربنا معاك يااستاذ محمد وتقدر تشيل الغبار اللى حواليك اسف اسف قصدى اللى ع عنيك بس مش بالفلوس لا تشيله بالكلام والايد وليس الفلوس سلااااااااااااااااااااااام للرجوليه فى كفر عتمان حى النصر يعنى اللى ميعرفش حى النصر يبقا من اسرائيل او من اى دوله اجنبيه

  7. ا/نبيل مسيحة 06/12/2010 20:52 -

    الف مبروك لاهالى اولاد صقر بفوز ونجاح مرشحكم محمد على اسماعيل ( الحلوانى) رجل الخدمات وبدوام النجاح والتقدم

  8. ماهي الشرقاوية 06/12/2010 13:04 -

    الف مليون مبروك لمحمد علي يوسف وابن بلدي محمد الحلوني وبقوال الحمد لله المكان الصح للراجل الصح واتمني ربنا يوفق بينهما ويساعد الناس المحتاجين وميعملوش زاي الي عمل عضو مجلس الشعب السابق صبري زكي طنطاوي الي كان بيخاذ رشوي من الناس من دم الغلابة علشان الخدمات مقابل ودالوقتي خلاص مش عاد لازمة الانتخابات مخلاص بقي عند املاك من دم الغلابة والفلاحين انا من ولاد صقر المفروض اي اتخب ابن بلدي مش عصام عبد الرازق اناوالله كان نفسي سامي الالفي لانا شخص محترمبس انا بحب محمد علي يوسف علشانقريبي وانا بحبه مها من اولاد صقر

  9. هانى صلاح العجمى 06/12/2010 12:07 -

    الف مليوووووووووووووون مبروك لابن بلدى محمد الحلوانى كما ابارك ايضا للنائب محمد على يوسف واشكره على وقوفه بجانب الحلوانى جنبا الى جنب ، كل اهالى عزبة الحاج على فرحانين لفوز الخلوانى الساحق88528 صوت وهذا انجاز لاهالى اولاد صقر

  10. ألف مبروك للاستاذ/محمد على يوسف على إنتصاره بإنتخابات مجلس الشعب 2010 متمنين له التوفيق فى خدمة دائرة كفر صقر / أولاد صقر

  11. ليدو 05/12/2010 23:14 -

    بصراحةالمفروض كل اهالى تلراك واولاد صقر والصوفية وزورابوالليل يساندوا ا/سامى الالفى وا/عصام عبدالرازق
    اصلى من تلراك

  12. الاخ صلاح ابو محمود ابو اغيات 05/12/2010 20:04 -

    الاخ صلاح محمود يتمنا لكا بالنجاح يا الاستاذ المحاسب محمدعلى يوسف عن دائرت كفر صقر واولاد صقر الاخ ابو فارس الهنداوى من سنجها

  13. الاخ محمد عبدالكريم الشواف 05/12/2010 19:42 -

    من الاراضى السعوديه اهلى ومحبى الاستاز المحاسب محمد على يوسف يسندون بكل الحب والاخلاص نيابة عن اهلى كفر صقرالمحاسب محمد على يوسف ويتمنون دوام النجاح والتوفيق فى الاعاده لمجلس الشعب عن دائرت كفر صقر وسنجهاالاخ محمد السيد الهنداوى والاخ ابو خليفه والاخ عبداللطيف احمد الاخ صلاح ابوغيات مع تحيات ابو فارس الهنداوى

  14. طارق واشرف 05/12/2010 14:00 -

    فيه حاجة مهمة فى كفر صقر ان المنتخب شخص مثل محمد على يوسف انما الاعضاء عم طارق عبد اللطيف واشرف عبد اللطيف ( الحاشية ) والناس مش طايقاهم
    كفاية بقى ارحمونا

  15. كفاية 05/12/2010 13:57 -

    كفاية بقى يا محمد يا على انت نسيت المقولة الشهيرة الصادرة منكم ( الحمار فى السوق ب 1500 ج وانا اشتريت الراجل فيكم ب 20 ج ) يعنى حتى الراجل مش محصل ديل الحمار …………….

    كفاية والله حرام واللى ينجح محمد على يوسف يبقى من فصيلته

  16. من ؟؟؟؟؟؟؟؟؟؟؟ 05/12/2010 13:16 -

    أنا عن نفسى مش عايزة أى حد ينجح لأن لغاية دلوقتى مشفتش أى عضو مجلس شعب بيخدم أهل دايرته لأنهم لما بينجحوا محدش بيشوف وشهم وبيرموا كلب من كلابهم فى مكتب عشان ياخد طلبات الناس ويرميها فى الزبالةوكل ما واحد يروح يسأل عن طلبه كلبه يقول لهم لسه الباشا مرحش مصر عشان يمضيه لك والطلب أترمى فى الزبالة

  17. نها حماد 05/12/2010 13:10 -

    أنا عن نفسى مش عايزة محمد على يوسف ينجح لأنه راجل مصنوع من الفلوس ورجل منافق وغير خدوم هو كده العضو أيام الإنتخابات مقابلات وهتافات وبعد النجاح محدش يشوف وشه غير فى الإنتحابات التاليه

  18. قصاصين الازهار 03/12/2010 23:19 -

    بقول عدم نجاح الاستاذ احمد يحى ناصر غير متوقع لان الكل كان من قلبة معاة لاكن تبقى النتيجة الاخيرة فى النهاية المكتسبة من خوض المعركة الانتخابية للاستاذ احمد يحى وهيا بلتاكيد حب الناس لية وهوا داة الافضل وياريت نفوق ونبعد عن الوعود الكدابة امثال محمد على يوسف الشخصية الغريبة وكانها مستوردة من فرنسا ما نشفوش الاقبل الانتخابات بس هوا من جاة حاثث انو مالوش لازمة عارفين لية لانو مش صادق مع نفسة فلوسو عامياه واحب ااولة لو نجحت فعلا زى ما بتقول يا محمد يا على نجحت بفلوسى وحدش عاملى حاجة بس اللى عايز اوصلهولك انتا فى مكانك مسئول وفى القبر مش هتقول فلوسى هتقول ياريتنى كنت خدمت والله اى كلام فيك مالوش لازمة تستاهلة ويارب الحلوانى يكسب والعقيد ينتصر انشاءالله

  19. كفر اولاد صقر 03/12/2010 23:09 -

    والله وانا بحلف والكل متاكد من اليمن ان نجاح محمد على يوسف كارثة ونفاق باين لالى حد لانو مش محبوب ولا لية خدمات وبعد مابينجح اى حد يروحلة ما يعبرش ويقول فلوسى نجحتنى كفاية اى واحدغيرة احسن منة واللى عندة راى تانى يعرضة بلخدمة اللى خدمهالو محمد على لية اولاهل بلدة بدون نفاق واتحدى اى حد يقول فية كلمة حلو داة العضو الحيد اللى نايم فى العسل
    ع

  20. محمد 03/12/2010 17:03 -

    بيقولو وعد الحر دين عليه وخالى محمد على يوسف لم يفى بوعده حتى الان ولن يفى به ابدا وان شاء الله لن يفز في الاعادة

  21. مواطن من بنى حسن شرقية مقيم بالخارج 03/12/2010 09:31 -

    اتمنى ان ينجح اى احدولكن الذى ينجح يكون رجل خدوم ويخدم اهالى دائرتة وشكرأ رجل خدوم بدون مجلس شعب ولااى منصب

  22. متواى محمد 03/12/2010 08:55 -

    hالف مبروك للجميع وربنا يوفق الجميع لما فية خدمة البلاد والعباد

  23. عادل مطاوع 01/12/2010 00:23 -

    الف مبروك ياحج عصام وربنا يوفقك اخوك عادل مطاوع

  24. أهــالى أولاد صقر 30/11/2010 18:01 -

    تزل النفوس اما الفلوس يا أعوان محمد على يوسف حسبى الله ونعم الوكيل فيكو جميعا

  25. أهــالى أولاد صقر 30/11/2010 17:59 -

    الف مبروك لأبن بلدى محمد على الحلوانى والف مليون مبروك لأبن تلراك العقيد سامى الألفى بأذن الله انتو اللى هتمثلونا فى مجلس الشعب وربنا المستعان والموفق بعون الله مع العلم بتأييدى لعصام منصور لكن الأوةلويه لأبن بلدى الحلوانى واستبعااااااااااااادى كل البعد محمد على يوسف الرجل الغامض والمجهول لكلا الدائرتين واعوانه المنافقين

  26. فتحى عبدالكريم -منشأة ناصر أولاد صقر شرقية 30/11/2010 16:48 -

    أجمل الأمنيات الطيبة لجميع المرشحين بالتوفيق وربنا يولى الأصلح لخدمة الناس لوجه الله وخاصة الغلابة منهم.

  27. من اليمن الشقيق نتمنى فوز ابن كفر صقر المحاسب محمد على يوسف فى اعادة الانتخابات بنت كفر صقر وبنت حى النهضه شرقيه بالتوفيق ان شاء الله

  28. هيثم ثروت بيومى يتمنى فوز المحاسب محمد على يوسف ابن كفر صقر فى اعادة انتخابات مجلس الشعب

  29. نتمنى فوزالمحاسب محمدعلى يوسف ابن كفر صقر مرشح الحزب الوطنى اخوك المهندس محمد عبداللطيف البنا

  30. حسام 30/11/2010 11:37 -

    اللف مبروك للدكتور محمد الصالحى بالقنايات وياريت تتخلص من كل الموجودين في المجلس المحلى لانهم بيسيئو ليك وللبلد ومفيش حد فيهم فاهم حاجة وانت الى عملتهم دور على المحترمين في البلد ويا مكترهم فيها وشكرا

  31. اهل تلراك 30/11/2010 08:45 -

    ربنا يوفق عصام منصور عبد الرازق ابن تلراك البار

  32. احمد الديب 30/11/2010 01:48 -

    الف مبروك للى يستاهل بس يارب يوفو بوعودهم للدايره ويحققو امال الناي اللى اختارتهم
    وكان نفسى الاستاذ احمد يحى ناصر يكون من الناجحين بس ان شاء الله ربنا مع المجتهد ويارب نشوف بلد نا احس بلد قصاصين الازهار احمد الديب من المملكة العربيه السعوديه

  33. علي صلاح 30/11/2010 00:21 -

    الف مليون مبروك لاهالى بلدناابوكبير شرقيه بنجاح الدكتور على مصيلحى وزير التضامن والرجل متواضع جداوالذى ترتاح اليه حينما تتحدث معه

  34. السيد سعد محمد 29/11/2010 23:34 -

    الف مليون مبروك لاهالى ابوكبير شرقيه نجاح الدكتور على مصيلحى صاحب الخدمات والرجل المتواضع الذى ترتاح اليه حينما تتحدث اليه وتجده قريب من قلبك

اكتب تعليقاً

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>