قال محمد ابو حامد عضو مجلس الشعب السابق ورئيس حزب حياة المصريين أن خيرت الشاطر نائب مرشد جماعة الاخوان المسلمين ينوي تحويل قصر وفندق السلاملك الاثري في الاسكندرية كمقر له وللجماعة لاستغلاله في الانشطة الخاصة بجماعة الاخوان المحظورة خلال الايام القادمة .
وحذر محمد ابو حامد من محاولات جماعة الاخوان المسلمين المحظورة ورجالها من استغلال مرافق واملاك الدولة بدون وجه حق .
ويحتل فندق السلاملك بالاسكندرية بموقع متميز في حدائق مدينة المنتزة ، وله طابع ملكي خاص وقد تم تشييده في عهد الخديوي عباس حلمي الثاني .
الحزب الحاكم يفقد مصداقيته وأديله بالجزمة في تلات حاجات
– المدارس التي أصبح التعليم فيها عبء على الدولة لانه يتنافى مع سوق العمل
– غلق صحيفة أو قناة بتشغل الجمجمة
– مصادرة الباعة داخل متاجرهم والباعة الجائلين لو لا يمتلك كارنيه من حزب الحرية والعدالة
هاضيف كمان واحدة عشان انا إنسان ، إن محدش يقول لي انت عارف بتكلم مين
وانا شاركت في قبل ثورة 25 يناير إحتجاج على اليوم اللي زارت فيه عائشة وزيرة اللوبيا والبامية السويس تحديداً لما طردونا عشان عمالة رخيصة من الصين ، كان قلبي ودمي بيغلي من الغيظ عشان أصحاب النفوذ بيتفرعنوا عن الناس مش عشان بدقون ولا بتصريحات كوادر مالهاش في السياسة
وفي النهاية هاقول البيت دة
إذا ضــــاق صـــــــدرك من بلاد ……….. ترحــــل طــــالبا أرضــــا ســـواها
عجــــبت لمن يقـيم بدار ذل …. …وأرض الله واســـــــــعة فضــــــاها
محمد ابو حامد ؟ الإسم مش غريب عليا داخل فيه ريحة خوفو وخفرع وحسام مكنتش اعرف انه كان عضو في مجلس الشعب المنحل ، هو عنده مبدأ ضد الحزب الحاكم مش اشكال ومن حقه يقول رأيه
الحقيقة أعجبتني حي المنتزه قالوا عنها تشبه الشوارع الرئيسية في كولومبيا ، شجر الورد يملأه من كل مكان وان نظام فندق السلاملك ونقش الغرف مثالي جداً انك تتجوز فيها وتعيش حياتك
بعد التحية استحملوني على الإطالة لإني هاقول اللبس اللي حصل على لسان ناس كتير أوي ، إحنا عايشين في غابة صامتة ووجوه عابسة غدارة والرأي العام يكرهك حتى في سجادة الصلاة
مجرد شاهد عيان على سوء الظن في بلد مرات الأب (مصر)
بين فريق النعامة الملتحية وفريق الغراب أبو منقار ونضارة من جبهة الإنقاذ
بتتكلموا على الإخوان ؟ هما دول ولا أى مواطن له سمة معينة ؟
بتتكلموا عن الرأسمالية الفجة ولا عن اللي ميعرفش يقول نكتة ؟
بتتكلموا عن أخونة الدولة ولا عن المواطن الملتحي قصير القامة الذي تعدى سن الأربعين ولم يتزوج ؟
بتتكلموا عن مقاومةالبلاك بلوك وأطفال الشوارع ولا عن القانون اللي أصبح معناه السخافة وقلة الأدب ؟
أسعفتني الجمجمة ان جماعة الإخوان محظورة تلعب دور الست المحظورة ، والقيادي يسيطر ويمارسوا انشطتهم اللي محدش عارف عنها حاجة وبالناقص يزرعوا ميليشيات وهوامر ينصبوها على المدارس والأماكن العامة ، وخطب الرئيس الراحل محمد أنور السادات بتأكد الكلام على هؤلاء ، وطز في مصر وأبو اللي في مصر من هفوات مهدي عاكف ، عدنا إلى خمس أو ست سنين الشباب اللي كان زي الورد يهتفوا بحياة الشهيدين الرنتيسي واحمد ياسين دون سابق إنذار لماذا يركزون جهدهم في القضية الفلسطينية مثار سخط بقية الطلبة اللي عارفين ان الشاب الفلسطيني بيتعامل معاملة خاصة مع انهم لاجئين وإوعى حد يقول لي اننا كنا بنحبهم مرة ، ولا الموظف الكبير لما تتكلم معاه عن الأحداث اليومية يقول لك دول يهووود وليهم صلاة غريبة ووشهم مش عليه نور ربنا
، الإخوان بيسيطروا ، الإخوان بيحتلوا اي حتة عشان هما غلسين ودمهم تقيل ، مزاج المصري انه يسب الدين في الشارع ويشرب عصير قصب في نهار رمضان مع البودي جاردات ناحية رمسيس عشان مزاجه ضد أي حاجة إسمها دين ولو بتكره شئ معنوي يحمي الناس من شرور نفسها زي الدين الإسلامي والدين المسيحي وما فيه من سمات إيمانية يتحلى بيها الناس يبقى إوعى تقول لي انك ضدالإخوان لإن الإخوان فكر تاني خالص عن الشخص الملتزم دينياً والشعب المصري مش بتاع فكر بتاع مظاهر ولو هي ليبرالية هاقول لك عيش وسيب الناس تعيش
الناس بطلت تدعي ربنا خشية الرياء والسؤال هنا حد له مصلحة يخلي المواطن يسب الدين ؟أقول لك اه لانه غالي علينا أوي وجامعةالأزهر المؤسسة الوحيدة وهي تدرس الدين الإسلامي وتحلله بعيدة عن الإعلام خالص وتهنا وسط فريقين يسيئوا للإسلام ، فريق بيتفلسف وبيرطن وبيقعر الكلام متكهربين شغالين على كلمة لأ آل يعني عشان تقول لأ عشان هي ” غلاسة كدة” تكون بعيد عن سمة النفاق وخلاص ، تلاقي عيل صغير شايل إزازة مولوتوف يرمي ناحية البدروم تسأله انت ليه بتعمل كدة يقول لك “دماء الشهداء .. دماء الشهداء” هو مش عارف معنى الكلام هو بس زعلان ان ابوه وامه سايبينه في الشارع ، وفريق تاني شغالين على الإستمناء الفكري يدافعوا عن آرائهم ويركزوا ان كلام الضيوف في الحلقة ميبقاش متناقض عشان باسم يوسف ميفضحهمش والإستراتيجية التانية مجموعة صفات مريضة مثل الغيرة والذكورية يتب@ن فيها الشاب وتشمئز منها البنت فتلاقي ان الدين عندنا أصبح Lite شوية أذكار على الموبايل وخلاص ومظاهر إجتماعية في أكبر صورها بعد الثورة ونعلم بدأت قبلها
ينجو من هذه الفتنة صانعي الظروف من لا تفارقه سجادة الصلاة ، اللي بيعرف ياكل عيش ، الإنسان الناجح بشكل عام له دماغ خاصة بيه ، الناس المهتمين بالتعليم ، الناشئين في المدارس الرياضية ، الصنايعية رجال الأعمال الأطباء وأى شاب وشابة أصحاب علم وفكر يبتنفذ وإرادة يبعدهم عن الموجة دي لينساقوا فيها
خيرت الشاطر يعني احمد عز والوزير المربرب زهير جرانة اللي كان بيذلكم بس بدقن ، الرأي العام طبعاً هايقول لك جوامع تتبني وكنائس بتتهد ، ولا نص كلمة عن قرارات الشاطر الإقتصادية عشان المواطن العادي يعرف على الأقل إذا كان بياكل مال الشعب ولا لأ ، عايزيننا ناس مغيبة بتتكلم في الدين مع السياسة عشان يوصل الكلام بالخلط وندادي الطرف دة وفي الطرف دة ، في النهاية الواحد يستعر من انه مسلم وإيمانه اللي يبدأه بتغيير نفسه إسمه عبط اه وربنا وشوف بنفسك ناس عايشة في الحضيض يعني بنضيع وقتنا ونتهزم مليون مرة على النت ، وفئة عايزننا نبقى كدة ، وفئة ناحجة من الناس هتفاجئنا انهم عملوا في صمت وأصبحوا في جنة بعيد عن الأوباش والحملان