مصر بلد الكلام

هل يعتبر مجرد احتجاجى على حاكم عدم ايمان من حقى انى اعترض على ظلم و على حكم فاشل من غير ما تكفرونى و تشوفوا ان ديه اهانه لولى الامر
انا بصراحه مندهشه جدا برده من الناس اللى بيفاضلوا دلوقت بين الرئسين مرسى و حسنى ده على اساس ايه اننا كنا فى عصور الرخاء مع حسنى مبارك انا شايفه ان الاتنين مش المفروض اننا نرضى …بيهم و بعدين الموضوع مش كراهيه و لا سخريه و لا لوم لمن انتخبه لان اللى انتخبه كان هدفه بناء البلد و لم يكن عنده علم الغيب و طبيعى راى الانسات من الممكن ان يكون صحيح و من الممكن ان يكون خطا الموضوع اكبر من كده احنا ناس كل مطالبنا اننا نحس بادميتنا مطلبناش باكتر من كده و مفيش اى شئ اتقدم من النظام الحالى يحسسنا بادميتنا و العجيب نفس الديكتاتوريه و التعنت و عدم الاستيعاب يبقى مينفعش ومن حقنا نطالب برحيله لانه لم يحقق اهداف الثوره و انا كنت مع اننا ننتظر الاربع سنين بس المشكله اننا على بال ما ننتظر هيكون باع البلد لانه للاسف معندوش اى حس وطنى او ولاء الا للجماعه حاجه متخلفه جدا المهم انا شايفه ان نا مش بس لازم نبقى مقتنعين ان الحق معانا لان هما برده شايفين كده لا هو المفروض ان تكون اهدافنا واضحه لنفسنا من غير اى تاثير من اى جهه اعلاميه او اراء متضاربه كل هدفنا عايزين نبقى ادميين ناكل اكل نضيف الاكل اللى بيبنى الجسم لازم يكون متوفر باسعار رمزيه و نشرب ميه كويسه ميبقاش فيه زباله علشان متنتشرش الامراض نتعلم صح نجمل بلدنا و ننشط السياحه و نستغل مواردها بطريقه صحيحه انا فى الحقيقه شايفه اننا لسه مغيبين و شايفه اننا بنتحرك بريموت ماسكينه ناس تانيين و معندناش غير الكلام اللى مضيعين معظم عمرنا فيه لو نحسب عمرنا كده قد ايه اتكلمنا فيه و قد ايه عملنا فيه هنلاقى اننا مقضيينه كلام فكلام احنا للاسف مش قادرين نحس بقيمة الوقت طيب فكرنا لما يرحل النظام الحالى هنعمل ايه؟؟؟؟ فى خطه واضحه نبتدى نطبقها ولا يرحل و بعدين اى قرار بطلع نحتج و نعمل ثوره لازم تبقى خطواتنا واضحه يرحل موافقه جدا بس ما بعد الرحيل ؟ فى الحقيقه شايفه اننا فى مرحله مش محتاجين يكون للبلد رئيس قبل ما ناسسها و يجى الرئيس على وضع محترم و قانون قائم ليس عليه ان يتخطاه فيجب ان يكون رئيس الدوله موظف بالدوله لخدمة الشعب يا ريت تفيدونى بارائكم.