دائرة بولاق الدكرور على صفيح ساخن

12 comments

1. 

   مدرس مقهور 09/02/2011 00:32 -

   الحمد لله ..نشكر الله و نشكر شباب الثورة المحاربين للفساد بكل مظاهره ..ومنهم المندوه الحسيني الذي يتكلم و يدين الفساد هو أحد الرموز القذرة في تطبيق الفساد في أرض الله . فقد كنت مدرسا في إحدي مدارسه ( المستقبل الخاصة للغات ) واختلفت معه في الآتي :
   1 ـ عمل رؤسائه بالنفاق الظالم لأنفسهم و لي .
   2 ـ العمل بتغشيش الطلبة في الامتحانات الشهرية و امتحانات نصف و آخر العام .
   3 ـ مناخ مدارسه لا يكفل للمدرس اي احترام ؛ وذلك في كلامه الخادش للحياء ، وتوجيه للعمل دون أجر و وجبات لزوم الجوع والحر في أعمال غير اختصاصه ..ومن يرفض كحالتي تلعنه الإدارة.
   وبعد كثرة المتناقضات التي وجدتها ــ المفروض أنني في صرح ــ تقدمت باستقالتي ،وتم رفضهامرة ، واثنين ..وقالها لي (لو لك حق خده بالقانون قانون الغابة ) .
   إذا كا رب العمل يتصف بذلك …و لا يحافظ علي حقوق موظفيه ..فكيف يصون حقوق دائرته ؟؟؟؟

2. 

   الحاج صلاح ضاحى 08/12/2010 15:28 -

   الى من يهمه الامر بعد ربنا سبحانه وتعالى الى السيد رئيس الجمهوريه الى السيد وزير العدل الى السيد النائب العام الى السيد المستشار رئيس المحكمه العليا نستغيث بكم جميعا واعضاء الحزب الحاكم بان يتم الغاء انتخابات بولاق الدكرور لما رايناه من مرشح الخزب الوطنى بتاع الجمل من بلطجه وقله ادب من اعوانه وتزوير ودفع فلوس وضرب الناس علشان يعلموا عليه هل الحزب الحاكم بتاع الكلام ده ده ولاستاذ الفاضل فتحى سرور يقول النائب المدقدق هو الى يتصرف فهل هذا تصرف صحيح نرجوا الافاده ناس بولاق الدكرور المغلوب على امره

3. 

   الاعادة زيادة 07/12/2010 14:39 -

   الاعادة كانت زيادة يعنى اية انا هقولكم مشهد شاهدتة بعنية اقسم باللة العظيم فى مدرسة نجيب محفوظ جاء مجموعة ناخبين للمرشح المندوة الحسينى للادلاء باصواتهم حاملين بطاقات عليها صورة المرشح الامن رفض يدخلهم ولطعهم قدام الباب علشان جاءوا شوية شباب يحملون شنط مليانة بوجبات غدائية طلبوا من الامن انهم يدخلوها المدرسة للمشرفين بص الامن على الوجبات لقا صورة المرشح خالد العدوى وعمر زايد دخلهم ورفض يدخل الناخبين بحجة ان اللجان زحمه دلوقتى دخلت انا اكمنى محام ابص اللى بيحصل جوه لقيت ان الشاب اتوزعوا كل واحد منهم للجنة وفرقوا الاكل ع المشرفين وواحد منهم بيقول لمشرف شدوا حيلكم محدش هيدخل دلوقتى بلا . كمان شوية ولقيت المرشح خالد العدوى جة ووراة مجموعه من الاهالى وعلية استقبال من المشرفين ولا وزير الدخلية اللى دهشنى خلو المدرسة من مندوبين للحسينى وسيد المناعى شعرت ان دى بيتهم واللة مش مدرسة من كتير اللى شوفته خرجت لقيت نص الناخبين اللى جايين للمندوه زهقوا ومشيوا 000 حسبنا اللة ونعم الوكيل

4. 

   ضيف مصر 07/12/2010 14:15 -

   احب احيى كل مواطن ادلى بصوتة فى الأنتخابات بكل نزاهه وشرف واقوله عملت اللى عليك وما كنتش سلبى زى ناس كل اللى عليهم انهم يعولوا كلهم سلبيه واسف ….. جبن ياريت المرة الجاية ىكونوا اكثر ايجابيه بحبك يا مصر .

5. 

   احمد السيد 07/12/2010 07:08 -

   يعنى المندوه يسقط فى انتخابات نادى الزمالك وينجح فى انتخابات مجلس الشعب مش ممكن هذا الرجل احد الذين تسببوا فى انهيار نادى الزمالك ومعه مرتضى منصور وكمال درويش ولن ننسا نحن الزمالكاويه ذلك والمصيبه انهم غاوين شهره ويعشقون المصالح الشخصيه ومصيرهم مؤكد الفشل الفشل الفشل

6. 

   نهله طلعت 06/12/2010 12:25 -

   والله انا شايفه ان محدش لى لزمه ويارب المره
   دى يصدق فى الوعود اللى قالها قبل الانتخابات / نهله طلعت

7. 

   ابو حرب الجبالي 06/12/2010 12:12 -

   رسالة الي الاستاذ عمر زايد أتقي اللة في أهالي بولاق الدكرو اهالي بولاق الدكرور يعانون من أشكال البلطجة المتنوعة بلطجة بائعي المزلقان يعني اية ست تتعاكس وهي مشية مع زوجة ولو اعترض يتلموا علية يضربوة يعني بلطجة الميكروباص اللي واقف يحمل في نصف الشارع والشارع واقف وراة مستني سيتة يحمل ولو احد اعترض تبقي ليلة زرقاء يعني اية سواقين التكاتيك ماشين بالعكس فين رجال المرور طب رجال المرور مش بيجوا ولا بيعملوا اللي عليم طي انت فين من كل دة تجار المخدرات موجودين في بولاق الدكرو والناس كلها عارفاهم لو سمحت يا أستاذ عمر اتقي اللة فينا ربنا هيحسبك علينا اتقي اللة فينا

8. 

   نسر 06/12/2010 11:41 -

   الحمد لله اني ما انتخبت اي مرشح لان الانتخابات بها تزوير وشراء اصوات و ضمائر

9. 

   كيمو 06/12/2010 11:37 -

   نوجع دمغنا ليه بلانتخابات واحنا عرفين انها ماشيه بالفلوس المرشحين يظهروا بلصوره منتها الامنه والشرف لاكن الفلوس مع المندوبين التابعين لهم

10. 

    كيمو 06/12/2010 11:30 -

    كنت في انتخابات الاعاده وشفت مهزله في مدرسة طه حسين انصار خالد العدوي و عمر زايد ىمنعون دخول اي شخص بالقوه الا المؤيدين للمرشحين التابعين لهم و الامن لا يتدخل

11. 

    اسامه 06/12/2010 01:56 -

    ل/ نرى من عمر زايد اى تحسن مازالت بولاق الدكرور زى ماهيه اكوام الكمامه زى ما هيه سوق همفرس لم يتحسن اى شئ كانه اما خالد العدوى لم نسمع عنه اى حاجه غير ان العدويين هم اللذين يردون ان ينجح لماذا فى نفس بعقوب وربنا يصلح المجتمع المصرى

12. 

    رهف 05/12/2010 23:29 -

    نفسي أفهم يعني إيه الأمن يرحب بمراقبين في مدرسة معينة ومدرسة تانية لا,يعني مفيش إدارة موحدة ولا سيااسة عامة يمشوا عليها والموضوع مزاجي زي ما كل حاجة ماشية بالمزاج في البلد دي .
    والمجلس كله وطني حزب وطني وبيزوروا النهاردة لمرشحي المعارضة ضد المرشحين بتوع الوطني بتوعهم
    علشان يخدعوا الناس ويحسوا إن فيه شرعية للبرلمان وراي بلاش بقى يسموا مجلس الشعي يسموا مجلس الوطني
    هما بيضحكوا على مين يعني؟
    بجد كنت من ضمن المراقبين ولجان ددخلناها ولجان لأ لكن في النهاية الصناديق بتضبط
    وحسيت النهارده اني عزفت فعلا عن المشاركة النهارده وحسيت باللي بيقولوه عليه التغريب السياسي وكأن بيقولولنا دي بلدنا احنا ومرحبا بكم أيها الشعب في بلدكم الثاني مصر