25 يناير التاريخ ده للاسف انا كنت هناك وكنت معاهم وكنت واقف في صفهم وقولت لا مبارك كفايه بقي اوف زهقت يلا غور والكلام الي كان بيتقال وسهرت ونمت علي رصيف عشان مصر الي ديما كنا بنغني ليها في طابور المدرسه مصر هي امي نيلها جواه دمي وعشان امي اعمل اي حاجه بس اكتشفت حاجه مهمه قوي ؟؟!!!
بعد كل ده وان انا كنت غلط وهقولها بالتفصيل الممل اصل دي مش قصه حب وغرام دي قصه مصر بلدي
اشخاص غريبه الاطوار :-
مصطفي بكري : الراجل دا قال كلام كتير وكان بيشتم في حكومه وكان بيقول الريس مظلوم بعد 25 يناير الساعه 4 طلع وقالك مينفعش نهاجم مبارك وبعدين بقي مبارك كخ عيب
عمرو موسي : قبل 25 يناير كان بيقول ان الريس لو رشح نفسو هينتخبه ودلوقتي بقي مبارك كخ وعيب
هاله سرحان : دي الوحيده الي قولها اتقي الله يجعل لكي مخرجا يعني هوا سرق وانتي سرقتي برضه وشهره دي وفلوس ده جبتيها منين يا مدام هاله يا سرحان
انور عكاشه : الراجل الي جه وقال انا مينفعش اغلط في حسني مبارك ده رمز من رموز مصر بقي دلوقتي كخ مبارك
ناس كتير قوي كانت نفس نظام بس يمكن الاهم من كل ده حاجه واحده
مبارك :-
الرئيس السابق او المخلوع زي ما الناس بتحب تسمعها الراجل ده عمل حجات كتير قوي مش بدافع عنه لا يتحرق بجاز بس الافترا وحش يا جدعان والله
الراجل ده فعلا مكنش في حد بينام من غير اكل اه الحاجه الغاليه اه مفيش فلوس بس الناس كلها كانت بتاكل تعليم كان وحش جدا جدا جدا
مكتبه الاسكندريه ملهاش اي ستين لزمه فعلا مطار القاهره الجمال الي فيها تعبت ومتهيقلي انه من اسوء مطرات العالم مترو الانفاق ده مشروع فاشل لا بيوفر في الوقت ولا بيوفر في حاجه وغالي جدا بجنيه التذكره الانترنت مشورع سافه وبيجيب الحجات السافله بس مبيجبش حاجه تانيه هوا الراجل بيخلنا نتعاقد ويدينا اسطوانه فيها افلام عيب شوفتو ان مبارك كخ ويع ازاي
بس بجد بقي انجزاته كتير قوي برضه يعني خريج طب وشغال كومسري وبتاع فول الراجل بيخلنا نكسب خبرات يا جدعان
الشركه المصريه لصناعه اي حاجه تخصخص للاجانب وايه يعني عشان تعرفو تتعملو مع الاجانب وتتكلمو انجليزي كويس
بجد الكلام الاول ده عن مبارك ده كلام الثوار والتاني كلام الناس قبل الثوره
لزم طبعا ناخد جنب للشهداء :
طبعا عمري ما هتريق علي ميت او هخليه مزحه في وسط الناس لان حتي لو الميت ده ايه مش هاخد زنبه
بس تعالو كده نفتكر الشهداء ماتو ازاي
سالي الي كانت عايزه تنزل تاني ومامتها قالتلها لا يا سالي ركبت البلكونه حصان وقلتلها هنط قالتلها نطي قالهلتها هنط وداخت ونطت
بجد اخس علي يا مبارك مش كنت تعلي السور شويه بتاع البلكونه راجل حرامي سرق الكام طوبه
واحد مسيحي من طوابق فيصل بقي شهيد اه وربنا مسمينو شهيد السجاير الراجل رايح يشتري سجاير من منطقه تانيه ايام البطلجيه والسهر في الشوارع واحد طلع عليه بيهزر وحاتت علي دماغه مسدس بيقولو رايح فين قالو وانت مالك وقام زق ايدو طلعت الرصاصه اخس عليك يا مبارك حئق تتعدم عشان مقولتش ان في المسدس رصاصه
والاخ التاني الي كان بيهجم علي سجن واضرب بالنار بقي شهيد
ربنا يرحم موتنا يارب ومش هتكلم في نقطه دي اكتر من كده
بس كان عندي تفسيير بسيط
علي فكره كلنا بنسرق وكل واحد علي حسب سلطته
لو انا واحد شغال في مكتب وجه واحد غلبان وقالي صورلي الملزمه دي لبني هقول ده راجل غلبان واصورها مع العلم ان البرنتر دي مش بتاعتي دي بتاعت صاحب الشغل
شاي وقهوه لكل اصحبنا الي بيجو في الشغل مع العلم ان انا ليا 2 مشروب في اليوم وانا لوحدي بشرب 10 في اليوم غير الي بيجي يقعد معيا
كل واحد بيسرق علي حسب مستواه كل الي هقولو
مش هقولو لبشر ولو هكلم عقول بشر
انا هقول لمصر لكي الله يا مصر
اولا كلامك ضحكني من قلبي بجد بس كلامك صح واحنا كلنا عارفين كده بس دي مقاله فين الاسلوب الصحفي بقي بس المانشت حلو بس في اساءه لبلدك يعني خليها كلام من قلب مصري وحقولك في زمن الرئيس السابق كانت كل الناس تتمني تسلم عليه الاسماء اللي قولتها واي حد وده شئ طبيعي بس لما الرئيس خلاص راح لو حد دافع عنه حيروح معاه وبعد مكان الناس حوليه حيلاقي نفسه لوحده زي الفنان طلعت زكريا وصدمته بجمهوره واعز صحابه ومنتج فيلمه وتامر اللي اضرب ضربه بس لحق نفسه فبيسيروا الجو مهي الدنيا كده للاسف وقصه الشهداء زي منتا قولت بس فيه ناس كانت بجد بتدافع عن بلادها ومش همامها الموت ممكن كان في الاول عادي ولما اروح اشوف بس عجبهم اوي من كثر الظلم اللي شافوه فمنقدرش نتكلم في انهم كلهم ماتوا كده دي حاجه في علم الغيب وربنا وحده اللي عالم وبالنسبه اللي ان كل الناس حراميه علي قده اوك بس في ناس ربنا اراد انهم يتكشفوا في الدنيا ويتحاسبوا في الدنيا والاخره وكلنا زاهبون نطلب رحمته وغفرانه وياريت متزعلش من رائي شمس
ارفع كل يدييا لك ولصدقت وعدم الانحياز شكرا لك