ضربه قاتله للارهابين …. التليفزيون المصرى يعلن ان كامليا هى التى فى الفيديو
(الذى ظهرت فية لتاكيد انها مسيحية )
و جهات امنيه تعلن ان كاميليا لم تتعرض لاي ضغوط من الكنيسة… نشكر القضاء والامن والاعلام الصادق
مع انها جاءت متأخرة من الأمن لكن شكراً على هذه الخطوة.
اكد التليفزيون المصرى مساء أمس الخميس، عبر القناة القناة الأولى الأرضية والفضائية، وقناة النيل للأخبار .. صحة مقطع الفيديو الذى ظهرت فيه السيدة كاميليا شحاتة زاخر زوجة كاهن دير مواس، الذى أعلنت من خلاله أنها باقية على الديانة المسيحية.
وقالت قناة النيل للأخبار،.. إن مصادر أمنية أكدت صحة مقطع الفيديو الذى ظهرت فيه كاميليا شحاتة، وأعلنت فيه أنها باقية على ديانتها المسيحية ولم تتحول إلى أى ديانة أخرى، إلى جانب تمسكها بحياتها الأسرية والاجتماعية، ونفت أيضا تعرضها لأى نوع من التعذيب أو الضغوط من الكنيسة.
(( يذكر أن ممدوح إسماعيل،… محامى الجماعات الإسلامية، )) تقدم فى أواخر شهر أغسطس الماضى ببلاغ للنائب العام حمل رقم ” 14350 ” عرائض،.. طالب فيه بتفتيش الأديرة التابعة للكنيسة الأرثوذكسية، لمعرفة مصير كاميليا شحاتة زوجة كاهن دير مواس بالمنيا بعد أن ترددت أنباء عن تعرضها لضغوط كنسية بسبب تحولها للديانة الإسلامية، كما شهد مسجد النور بالعباسية وقفة احتجاجية ومظاهرات طالبت الرئيس مبارك وشيخ الأزهر بالتدخل لتحديد موقف كاميليا شحاتة…… فقال المتحدث باسم الازهر .. محمد رفاعة الطهطاوى …اقسم باللة ان شيخ الازهر لما يقابل كامليا ولم تخط قدماها باب الازهر . وان كامليا شحاتة لم تطلب مقابلة شيخ الازهر ابدا …وان الموقع الذى اذاع خبر مقابلتها لشيخ الازهر واسلامها موقع كاذب وليست لة مصداقية ولايعرف الامانة …ونرد على الكاذبين مروجو الاشاعات على ستكنونون احر مننا على الدين الاسلامى لو كان حدث هكذا … مكناش سكتنا …. مشيرا ان الازهر لم يتدخل فى هذا الموضوع ولا يعرف اى معلومات عنة ولا ولا علاقة لة لا من قريب ولا من بعيد ……وقال اقسم باللة العظيم على ذلك
اسئلتنا الآن هل سينتهي اضطهاد اخواتنا المسيحيين في العالم بعد هذا الخبر؟؟؟؟؟؟ هل سيعتذر الارهابيون القتلة عن كل المجازر الشنيعة التي ارتكبوها؟؟؟ التى لا يرضى عنها مسلم ولا مسيحى
هل سيُحاكَم كل انسان طلع يقول الاشاعات والاكاذيب واشعل الفتنة والطائفيّة بين ابناء الوطن الواحد؟؟؟ و
وسؤالي للمتعصبين الارهاب الذى يقولون انهم مسلمون والدين الاسلامى بريئ منهم ؟؟؟ بعد اكتشتاف صحة الخبر هل ستسمحوا بان يملأ الغضب والشحن قلوبكم بع ذلك تجاه ابناء وطنكم وجيرانكم . ولكن …… …..( قال المصطفى عليه افضل الصلاة والتسليمات من آذى ذميا فقد آذانى ))………..بس من له اذان للسمع فليسمع.. ….. مسلم صادق………….. ارجو الموافقة على نشر هذا الخبر وعدم
رفضة . فايجب ان نكون امناء فى نشر الحقائق
فيديو يوتيوب
الهى يولع المسيحيين على المسلمين على اليهود على كامليا على جوزها – ماتصحوا بقا يااغبى شعب فى العالم ياللى عمركم ماهتبقوا بنى ادمين زى باقيت الشعوب اللى هما فى السما واحنا فى قاع الارض بسبب ان دماغنا فى مسيحى ومسلم وتفاهات مالهاش اى لزمة – ياريت كل واحد يبص لمستقبلة يفكر ازاى يبقى بنى ادم لية وضعة ومحترم يحلم ويسعى لتحقيق حلمة – يحب كل اللى حوالية مسيحى ومسلم ويهودى واللى مالوش دين -دع الملك للمالك ودع الخلق للخالق ودع الدين للديان وواضع الاديان او على الاقل سمح بوجودها – وفكر ازاى ترضى ربنا على حسب دينك مهما كان – كفاية تعصب – كفاية جهل – كفاية خراب وفتن – لو كامليا دخلت الاسلام طب مافى ناس بيدخلو المسيحية اية المشكلة كل واحد هايتحاسب على اعمالة مش يمكن يكون الاسلام هو الصح ويمكن تكون المسيحية هى الصح كل واحد عندة رأى ويقدر يثبت صحتة – فالافضل ان احنا نعيش مع بعض فى سلام ونحب بعض المسلم لو حب المسيحى ودافع عنة هايثبت للمسيحى ان دينة كويس وكذلك المسيحى – فكرو لية ربنا خلى فى مسيحى ومسلم ماكان يقدر يخلى الكون كلة دين واحد -فكرو وردو عليا – واخيرا بقول لكل واحد مسيحى او مسلم ومتعصب “انت أغبى بنى ادم شفتة فى حياتى” وانا اسف بس الموضوع يضايق
الدين لله والوطن للجميع
والهى عندك حق يااستاذ اسلام انت والمصرى .. بجد احنا كلنا تعبنا ان كان مسيحيين او مسلمين طول عمرنا معروفين اننا كاكل شعب طيب خدنا اية من التعصب اهو بدل مانتقدم لقدام عمال يرجعنا لوراة ومش عارفين نتقدم خطوة وحدة بجد انا زعلان العالم كلة بيصور مصر كانة شعب ارهابى ولكننا دياب .. ياريت بجد ننسى الخلافات ونبقى ايد وحدة طول عمرنا على ارض وحدة ومافيش اى مشاكل التعصب خلانا عايشين زى مانكون فى غابة .. بجد ياريت مانساعدش على زيادة الفتنة دى بينا. لازم نوقف كل واحد عمال يشعل الفتنة بينا الى عايزها نار والى مش هايرتاح الى لما يشوف مصر دى خراب ودمار لازم نقولة كفاية .. عشان الى الفئة دى تختفى بقى ونرجع زى زمان شعب طيب
الى كاتب الخبر اتقى الله واعلم علم اليقين ان الاخت كامليا اسلمت لله وتم اختطافها وتهديها وانظر للفرق الكبير اللى فى الفديو وشكلها الحقيقى وانت لاما جاهل لاما ماجور
ميهمش زياده مسلمه المهم الموجدين يحسنوا اسلمهم
يا جماعة الموضوع مش انه هاتزود المسلمين و لا هانقص من المسيحية الموضوع انه عيب و عار ان نمنع انسان من اختيار دينه و عقيدته و نحبسه و نضغط عليه للرجوع الى ديانته الاولى…يا من تدعي ان اسمك محمد مصطفى كاتب هذا الموضوع اتحداك ان يكون هذا اسمك الحقيقي و اتحدى شيخ الازهر اذا قال هذا الكلام و اتهمه بالكذب لان احد القساوسة قد اعلن و اعترف ان كاميليا في الكنيسة لغسل مخها المغسول ما معنى هذا الكلام؟؟؟..بالاضافة الى الوثائق اخاصتها من كرنيهات و صور لها و لوالدها و لطفلها و زوجها كيف حصل الشيخ ابو يحيى على مثل هذه الوثائق؟؟على العموم لو هي فعلا اللي في الفيديو وقالت الكلام ده عن اقتناع بدون ترهيب فامفيش مشاكل لكل فرد الحق في التمسك بدينه اما اذا لم تكن هي التي في الفيديو و انا اشك انها هي فحسبنا الله و نعم الوكيل فيمن يحرضنا على عدم نصرتها او يشككنا فيها
انا مش عارف لية مديين موضوع كاميليا دة كل الاهتمام دة هل لو هي مسلمة هتزود المسلمين واحدة ولا هي هسيحية هتنقص المسيحيين واحدة هي لا هتزود ولا هتنقص دة الدين للة وكل واحد ادري بحالة والعقيدة دي حرية شخصية لو عايزة تسلم هي حرة ولو عايزة تفضل مسيحية هي برضة حرة وياريت نراعي لليفيد بلدنا وبلاش التعصب ال مش جايب همة دة المسلمين والمسيحيين عايشيين مع بعض من 14 قرنا من الزمان ما تخلوش الحاجات دي تفرق الناس من بعضها وتولد الضغائن بين اولاد الشعب الواحد.
المهم ياشعب مصر خلونا من العصبية عايزين تسامح ومن القلب –خلو مركبنا تمشى ونرفع راسنا وسط الشعوب نمسح مهانتنا فى الغربة –الناس يعرفوا ان لينا بلد امين فاتح ايديه لينا فى الشدة–خلونا نصلح من حوالينا –نمنع الزبالة نزرع شجرة نصلح حنفية عمالة تهدر المية وتنخر فالبيت ننظم شوارعنا نتعلم حرفة بدل ما الجنسيات التانية ملوا بلدنا واحنا خيبانين واقول ايه ياناس —الناس برة بيقولوا المصرى وبس ومبيتكلموش عن ديانته–الدين لله
الله يهدى الجميع ياجماعة الخير ان كانت مسلمة لنفسها وان كانت غير ذلك فلها رب يحاسبها لاتنسو حقيقه الامر من (( الوضع الاقتصادى المتردى – مستوى التعليم وهبوط مستوى جامعاتنا بعد كنا الاوائل – ارتفاع مستوى الفقر – غلاء المعيشة – عدم الرضا عن اى شى – الرشوة المنتشرة فى كل مكان داخل مصر – وجود مستوى معيشه للافراد عالى جدا والاخر متدنى جدا وليس الوسط كمان كان سابقا مستويات معيشية مختلفة لكل فرد مايناسبة منها – لابد من وقفه مع النفس داخل النفس حتى يصلح الله حالنا وحال حكامنا
ما يقولوا براحتهم انها مسيحية المهم هى تظهر كدة على الفضائيات وتقول بنفسها انها مسيحية هما هايشنقوها بس نتاكد انها مش بتتعذب ولا مضغوط عليها واذا اعلنت كده تروح فى ستين داهية وتريح الناس
طبعا حضرتك لو نزلك جبريل بنفسة قالك انها مسيحية هاتقولة لا انت غلطان برضوا .. من كتر غيظك انها على دينها فادة مخليك حتى معترض على كلام شيخ الازهر وانا عندى ثقة فى كلام شيخ الازهر بس قبل ماكنت تتكلم كنت فكرت شوية مع نفسك …. شيخ الازهر لو ماكنتش هى دى الحقيقة فاهايكدب لية ماهى لو دى كدبة يبقى مش فى مصلحتة اصلا .. اية الى خلاة يقول كدة انت هاتكون احر من شيخ الازهر على الدين الاسلامى …. اتعصب براحتك بس عايز اقولك ان الاسلام مش عافية حط دة فى دماغك شيخ الازهر بنفسة قال كدة انت بقى موافق تطلعة كداب المهم انك تخليها مسلمة باى طريقة اولا انت ماكنتش معاها وهى عند الشيخ الى بتقول علية من سمالوط دة ولو سمعت برضوا عنة فانا عايز اقولك ان فية شيوخ كتير فقدت مصدقيتها بسبب كدبها .. انت سمعت برضوا زى الالاف وماتكلمتش معاها كلام مباشرعشان تخليك متاكد كدة .. فا دى حاجة انت متتكلمش عنها ..واتكلم براحتك وقول براحتك انا بس عزرك عشان بسبب غيظك فا انت مش عارف بتقول اية لدرجة انك بتكدب شيخ الازهر بنفسة ومش هاتقدر تكدب او تنكر لان شيخ الازهر قال كدة فى برنامج تليفزيونى وعلى الحقيقة كمان ودريم 1 .. وفية فيديوهات كتير على اليوتيوب بتقول كدة .. والصورة الى حضرتك بتقول عليها فيها منقبة او محجبة لو حضرتك دارس فوتشوب كويس هاتعرف انك تقدر تاخد اى وش وتحطة على صورة اى بنت محجة دة لو تعرف الفوتشوب او البرامج الى زيها … وعايز اقولك خبر ان فية شيخ قال كدة فعلا زيك لكن راح اعتذر لمحامى الكنيسة عشان عرف انها كدبة.. ومش بس كدة انت متعرفش شكل امضاتها عادى انى اجيب صورة سجل مفبركة برضوا وواحط الصورة دى عليها وخلاص انا بكدة قنعتك …يالة السذاجة… اة صح وحكاية ان مسيحين كتير بيدخلوا من الغرب عارف لو دة حقيقة فعلا ماكنتش هاتقول كدة بس دة بس الى نفسك فية متعرفش حاجة فعلا دة عشان انت مش اكتر من مسلم بسيط عايز فى مصر عمرك ماروحت فى اى مكان مجرد سميع فقط بس بتحب تسمع الى يعجبك فقط .. انا بقى عايشة فى الغرب الى بتتكلم عنة .. بجد قريت كلامك وعرفت اد اية انت عايش فى عالم محدود جدا بس الى عندك التليفزيون او النت وعمال تسمع وخلاص لكن متعرفش حاجة فى اى حاجة … وحاجة كمان لان ربنا بيحب يظهر الحقيقة فاتمر الايام ونلاقى الى كتب الخبر الى موجود فوق دلوقتى وخلاك تعلق علية واطلع شوف اسم كاتب الخبر هاتلاقية اسمة محمد مصطفى … يعنى حمدا للة فى مسلمون شرفاء يتكلمون بصدق وبامانة … مش متعمدين على صور متفبركة على الفوتشوب ..او بيحاوولوا باى طريقة يكدبوا الخبر عشان غيظهم خليك صادق مع نفسك . عشان الحقيقة بتظهر وهاتطلع فى الاخر قدام نفسك كداب مش اكتر.. راجع نفسك وكلامك وفكر كويس
الى الاخ ابو مريم واللى الاخ ابن مصر اى شخص يدخل الاسلام لن يزيد الاسلام شئيا فهناك الالاف من مسحيين الغرب يدخلون الاسلام فهذا فخر لهم وشرف لهم وانقاذ لهم من دخول النار والعياذ بالله شيخ الازهر مسيس ولابد من اطفاء النار والفتنة المتأججة ان يقول هذا وهى فعلا تحت الضغط والتهديد والارهاب من الممكن ان تقول انها رجعت المسيحية ولكن سوف يظل قبلها نع الاسلام وبالاسلام ( ان الله لا ينظر الى صوركم ولا اجسادكم ولكن ينظر الى قلوبكم ) صدق رسول الله صلى الله عليه وسلم فلو كانت فعلا على اسلامها فندعو الله ان يفك اسرها ولو هى مسيحية فهذا لا يعنينا فى شىء الاسلام باق ومحفوظ من عند الله وانظر الى عدد المسلمين فى العالم كل يوم وانت تتاكد
من الغباء تصديق هذا لان بكل بساطة يوجد شخص هو المسئول عن خطوات كامليا شحاتة وهى التى ذهبت اليه بمحض ارادتها وتبنى فكرة دخولها الاسلام وهذا الشيخ من سمالوط وحاول بشتى الطرق الاصلاح بينها وبين الممثل الكذاب زوجها والذى ادعى بانة مسلم عليه عفريت عفرت الله روحة هو ومن شابه وهذا الشيخ ذهب بها الى الازهر الشريف لدخولها الاسلام وموجود كاتب السجلات فى الازهر وموجود صورها وهى بالنقاب هلى هى ام مش هى او هى تحت ضغط مثلها مثل المسئولين فى الدولة لانهم تحت ضغط الكنيسة والا لما سلموا من قبلها وفاء قسطنطين وميرى عبد الله وغيرها من الافضل للكنيسة ان تدرس لماذا تهرب منهم المسيحيات ولا ان تقتلهم فهذا ليس حل على الكنيسة ان تسعى لحل مشاكل المسحيين فى ظل الدكتاتور شنودة والذى انزل اوامر دناويه على المسحيين وقال هذا من الكتاب
وانا معاك يا amr.. تلاما شيخ الازهر قال كدة بنفسة انها مااسلمتش يبقى كلامة صح مع احترامى لكل الى بيقول عكس كدة .. عشان شيخ الازهر مستحيل يكدب فى الامور دى .. وفعلا زى ماقال الشيخ محمد رفاعة هو انتم هاتبقوا احر مننا على الدين الاسلامى ولو حصل كدة ماكناش سكتنا وانا بثق فى كلام شيخ الازهر
انا اثق فى شيخ الازهر فهو رجل لا يخشى فى الحق لائمة وما دام انه قال انها لم تدخل فى الاسلام فانا اثق به
كامليا أسلمت وهذة هى الادلة أولا:الفديو لواحدة تشبها تماما كامليا أطول وصاحبة الفيدو أقصر شوية كامليا 26 سنة صاحبة الفديو عمرها تقريبا 21 سنة كامليا ممتلئة لأنها أنجبت طفل وكلنا يعلم التغييرات الفسيولجية للمراءة التى أنجبت الشعر لصاحبها الفديو خشن أما بالنسبة لكامليا ناعم من خلال صورها الدليل الاخير كيف حصل ابو يحى على وثائق رسمية لكامليا شحاتة وكارينة العمل وشهادات تخرجها وصور طفلها ولماذا لم تصدقوا الشهود العدول وعددهم 5 أريد الاجابة على ذلك الامر الاخير لماذا لم تظهر على شاشات الفضائيات وتعلن ذلك لمنع الاحتقان مش كدة ولا اية ياريت تنشر تعليقى عيب عليكم انا بكتب التعليق للمرة الثانية
اة الخبر صحيح انا سمعتة امبارح على القناة الاولى .. ومن شيخ الازهر .. ونفى فعلا الكلام والاشاعات الى حصلت على كاميليا .. وسمعت ان خدوا الشيخ ابو يحيى الى هو مروج الاشاعة .امن الدولة اتاكدوا فعلا ان ااشاعة دى كذبة ..وانها مارحتش ابدا للازهر وفية شيخ جابوة امبارح قالوة انة راح اعتذر على الى قالوة ان كاميليا اسلمت .. بس متهيالى ميكفيش الاعتذار ياشيخ بعد مااستخفيتوا بعلقنا وضحكتوا علينا وخليتونا نطلع مظاهرات على لا شئ .. فعلا احنا شكلنا حققنا هدف الارهاب والمتطرفين .. طول مافية امثال الشيخ ابو يحيى دة .. بلدنا هاتخرب بجد
انت لو نزلك جبريل بنفسة يقولك انها مسيحية مش هاتصدق برضوا يعنى فية اكتر من ان شيخ اازهر اعترف بكدا وان الاعلام والامن اتاكدوا من كدة .. انت بقى عايز تصدق بالقوة ان هى مش مسيحية فانت حر .. بس عارض لوحدك على راى شيخ الازهر والشيح محمد انت هاتكون احر من شيوخ الازهر على دينك وهما لو كانوا متاكدين من كدة ماكنوش سكتوا ودة مش كلام من عندى دة خبر اتذاع فى القناة الاولى امبارح وجة على الفضائيات .. ودة الى مكتوب فى الخبر الى فوق بس انا عايز اقولك حاجة احنا مافيش بينا هنا مسيحيين يعنى اطلع شوف مين ناشر الخبر هاتلاقية اسمة محمد والى علقوا مسلمين برضوا زى ماتكون انت بس الى كان ةنفسك يكون الخبر دة حقيقى بس لو دى الحقيقة فاخلاص هانعمل اية …
وليه مقطع فيديو لما انتو واثقين انها مسيحية كانو طلعوها في بث مباشر ونترك لها مطلق الحرية في الكلام ( كاد المريب ان يقول خذوني )
الخبر صحيح .. وانا سمعتة من شيخ الازهر ان كامليا ما اسلمتش ولا راحت للجامع .. .. وامن الدولة سمعت انه خد الشيخ ابو يحيى ) دة عشان تحقق معاة بس فعلا طلعت اشاعة والناس كبرتها .. كذبة الشيخ ابو يحيى خدت اقبال كبير اوى من المتطرفين والمسلمين البسطاء يعنى المساعدين فى ان الحكاية دى تكبر اكتر .. وهم المساعدين للشيخ دة .. بس لية فتحنا تانى الموضوع دة احنا مابنصدق ان الفتنة تهدا بينا وبين اخواتنا المسيحيين ..وحسبى اللة على مروجو الاشاعات دى دول مش هايهدوا الى لما يخربوا البلد
انا عايز اعرف كامليا دى مش هاتزودنا ولا هاتنقصنا .. اية سببة اننا نقول انها اسلمت . . ونصدق الكدبة دى فعلا … انا والحمد للة مسلم لكن مش معنى كدة اننا نشجع اى حد يطلعلنا بكلمة ان دة او دى ساب دينة واسلم .. لاحول اللة ….. وصلنا لدرجة الانحطاط دى ….وطبعا لو متابعين الاخبار هاتعرفوا مين الى روج الاشاعة دى من الاول ((( الشيخ ابو يحيى )) طول مافية امثال الشيخ دة بجد ديما صورتنا هاتبقى فى خطر … والبسطاء الى مشيوا وراة طبعا وزى ماتكون كامليا دى هاتزود المسلمين فااصبحت الاشاعات تكتر وتتطور .. بجد فية شيوخ اتلغت مصدقيتها بسبب تكبير الاشاعات وفعلا نقدر نقول عليهم مابيصدقوا .. ياجماعة احنا مش محتاجين نكدب فى مواقع ونكبر الحكاية ماهى طبعا الاسلام بيدخوا ناس كتير بس مش لدرجة اننا .. نكدب وناخد ناس بالعافية يعنى الشيوخ الى طلعت واتكلمت واحنا صدقنها ((سمعت من شيخ فيهم انة راح اعتذر بعدها لمحامى الكنيسة عن الكدبة الى قالها طيب بعد اية بعد ماضليت ناس كتير وكدبت على عقول ناس كتير وخليتنا نطلع مظاهرات .. راح تعتذر بجد اصبحنا اغبياء … طيب لية ياشيخ قولت كدة من الاول وبعدين عمل تكذيب للى قالة طيب بعد اية …. ياحول اللة .. يعنى زى مايكون مافيش حد بيدخل الاسلام واحنا بنصدق نلاقى اى حد حتى لو مش حقيقة نمسك فيها .. ياريت نكون امناء كفاية التطرف والتعصب دة الى مالوش لازمة… وانا معاك يامسلم مصرى .. احنا كدة عمالين نشجع الارهاب انهم يدخلوا بينا ( مسلمين واقباط ) ويمكن كمان هما الى وراة الاشاعة دى ..
فعلا انا سمعت صحة الكلام دة من شيخ الازهر الطيب . ان كامليا مسيحية ولم تسلم ابدا وقال انهم كمان كدبوا فى مواقع كتير وقالوا انها اسلمت وفضل كل واحد يطلع باشاعة شكل حتى انها بقت هواية تكبير التزوير والكدب …. واتقال نفس الكلام فى برنامج تليفزيونى .. 0(( وفىة شيخ قال انتوا هاتكونوا احر مننا على دينا الاسلامى.. بس طبعا ماحدش عندة اجابة غير الشيخ قال فى البرنامج ان فية ناس بقت غايتها التعصب والتطرف الدينى فى معتقدهم هما ان الكذب يغفر لهم فى حالة التشويش والكدب والاهانة للاديان الاخرى ….هاقول اية ياحول اللة دة بجد بيشوة صورتنا قدام العالم كلة المفروض نكون احنا ضياء للناس فى الامانة والصدق .. لو ماكنتش سمعت كدة من الشيخ بنفسى ماكنتش صدقت بس بجد .. يظهر ان الارهاب تمكن فعلا من مصر واصبح كثيرون سلكوا ايضا هذا الطريق .. ميعرفوش ان الكدب بيتعرف ومش بينوبنا احنا بس غير اننا نطلع قدام العالم ارهاب كدابين كمان ربنا يتصرف فى مروجوالاشاعات دول
طالما هى مسيحية ليه اى برنامج مستضفهاش وعمل معها حوار وكنا خلصنا كلنا من الاشاعات والقيل والقال ليه هذا التعتيم