اوائل جامعة الفيوم في الشارع

احنا اول دفعه اتخرجت من كلية الاداب سنه 2010 نظرا لان الكليه حديثه وعندما التحقنا بها وتفوقنا كان ذلك سعيا وراء التعيين كمعيدين ولكن بحمد الله وبفضل الدكتور احمد الجوهري رئيس الجامعة والاستاذ الفاضل صالح جمعة نائب رئيس الجامعة اصبح العشره الاوائل علي الكليه في الشارع لا يجدون وظيفه وبذلك اصبح حلم التفوق ليس له معني . وهذا ليس قاصرا فقط علي دفعه 2010 او علي كليه الاداب ولكن منذ تخرج دفعه 2008 وبجميع الكليات وهم ايضا بالشارع فباقي الدفعات مازالت تلحق بهم .. ياجماعه اللي بيحصل ده حرام والله حرام ان اللي يجيب جيد جدا مع مرتبه شرف وامتياز مايلقاش وظيفه في نفس الوقت اللي اتعين فيه اولاد الدكاتره والمسئولين بمقبول وجيد.

5 comments
  1. لميس 01/06/2011 22:12 -

    والله اللى بيحصل ده حرام انا كمان خريجه تربيه 2009 بتقدير جيد جدا مع مرتبه الشرف ومن العشرين الاوائل ومفيش اى تعيين ولا غيره حتى العقد الحكومى ابو 105 مش موجود واللى جايب تقديرات مقبول وجيد اشتغلوا بجد انا حاسه بظلم كبير مش قادره لتحمله بعد التعب والسهر انا قاعده فى البيت مستنيه الفرج

  2. المظلوم 06/04/2011 21:31 -

    بعد السلام
    يعني أية نسكت واحنا حقنا مسلوب …………. يعني شبابنا هما اللي بيحاربوا وحقهم مسلوب
    أحنا أوائل وحقنا مسلوب …………. وبلدنا دية فيها الضعيف مداس ……….. فيها بن الوزير لازم وزير وابن الدكاترة مولود وفي ايديه شغله ……….. أطحنا وذاكرنا وسهرنا علشان غيرنا ياخد مكانا…………. صبرنا ورضينا واتهرينا قولولي ليه قولولي ليه ساعت ما نبقي متفوقين حقنا مش يبقي لينا ………. قولولي ليه أول علي دفعته ميلقيش حقه فينا …………… قولولي ليه نهاجر ونسافر وأحنا وجهودنا وعقلنا نديه لغيرنا ………….. نديه لغيرنا لأن أصلأ غيرنا فاهم بيقدر العلم ودا أحنا شوفناه بعنينا يابان بدأت بعد هزيمتها بكرسي وتاخته وكام قلم ……… بس القلم هناك كتب ولما كتب كتب الصح وقال دا صح وحققه .. نجحت وأطورت وبدأوا بأية بكرسي وتاخته وكام قلم ………… علمونا ان قلمنا هوه سلحنا للأسف طلابنا بيهاجروا بعد ما يتخرجوا متفوقين ……………مين السبب قولولي مين …………؟؟؟؟؟؟؟؟؟؟؟؟؟؟؟؟؟؟؟؟؟؟

  3. ميشو الحصرى 02/04/2011 07:59 -

    ولحد امته هتفضلوا كدة اعديين فى البيت ولا شغل ولا مشغلة انزلوا اعملوا مظاهرااات ضدهم وقولوا رأيكم واللى انتوا عايزيينوا هيتحقق ان شاء الله بس انتوا متسكتوش على اللى بيحصل ده دى مهزلة هتفضلوا كدة لحد ما تبقوا شباب سلبي ومستهتر وملكمش اى قيمة فى البلد انزلوا وشاركوا واحلمكم هتتحقق ان شاء الله يلا كل الطالبة المتخرجيين وليسة لا يوجد لهم وظيفه عليهم بعمل مظاهرااااااااااات وهوة ده اللى ماشى اليوميين دول كل واحد يعمل اعتصاام ومظاهرات وكل اللى هوة عايزو هيتعمل اكيد يعنى ان انا كلاااامى مظبوووووط اشكركم واتمنا انا تتعينواااا بالتوفيق ان شاء الله ……………….

  4. سندس 16/03/2011 22:54 -

    انا من احدى اوائل خريجيين جامعه الفيوم لسنه 2009 وبتقدير جيد جدا مع مرتبه الشرف ومن ساعه ما اتخرجت وانا قاعده والحمد لله والبركه فى اللى كانوا السبب .

  5. اميره 20/02/2011 22:01 -

    حسبى الله ونعم الوكيا فى كل ظالم ومفتر
    احنا كمان اوائل كليه التربيه جامعه دمنهور ومن حقنا التعيين كمعيدين فى الكليه ولكن ذلك لم يحدث لماذا ولمصلحه من
    احنا دفعه 2010 ومن حقنا التعيين بس اقول ايه حسبى الله ونعم الوكيل
    ليه بياخدوا معيدين من كليه تانيه ويسيبونا

أضف تعليقاً