اننا مقبلون علي فصل الشتاء وهناك يدور في خاطري مشروع جميل هيعم بالخير علي الشعب المصري ولو نظرنا الي احتياجنا من الغذاء لوجدنا اننا افقر الدول في الغذاء وعلينا بان ننمي الثروه السمكيه لدينا لكي نسد فجوه في الغذاء
من المعروف ان حمامات السباحه في مصر في فصل الشتاء تكون معطله تماما في الشتاء الا قليل منها ولو اننا استغلينا هذه الحمامات في تربيه الاسماك ولااقصد اسماك الزينه انما اقصد الاسماك المعروفه لدينا
يبقي لو اصدرنا الاوامر لجميع مالكي حمامات السباحه في مصر في فصل الشتاء فقط والزمناهم بتربيه الاسماك بدلا من تعطيلها طوال فصل الشتاء بدون عمل وهذه فكره ويجب علي عرضها لعلها تفيد البلد
والفكره الاخري وهي ان مصر تتمتع بموقع ممتاز فالبحر الاحمر من الشرق والبحر المتوسط من الشمال والنيل من الجنوب الي الشمال ( ورغم الخير ده كله ونستورد الاسماك من الخارج )
هذا الشكل العظيم لموقعنا الجغرافي يؤهلنا لان نكون اكبر الدول في المنطقة باكملها لانتاج وتصنيع وتصدير الاسماك للعالم كله وهذ ليس بالامر الصعب علي مصر و(….علماؤها ……)
فلو اننا انشانا اسطول حكومي لصيد الاسماك وانشانا مزارع سمكيه بطول شواطئ مصر ووزعناها علي شباب الخريجين والصيادين شوف مصر وانتاجها من الاسماك وحجم الانتاج
المهم ان حيتان او ( تجار الاسماك الكبار) وهم العقبه الاولي امام تقدم المشروع لو اشركناهم في هذه المشاريع فسوف نتجنب محاربتهم لهذه المشاريع
ومن المعروف ان الثروه السمكيه اذا زادت قل سعرها فسوف يقلل اسعار باقي اخوانها في القائمة وهي الفراخ واللحمه لان الاقبال علي الاسعار القليله سوف يزداد و يقل الاقبال علي الفراخ واللحمه وبالتالي تتعرض لقانون العرض والطلب وينزل السعر وهذا في النهايه مصلحه للشعب المصري عموما
ولو نظرنا للمزارع السمكيه و تكلفتها بسيطه جدا لاصبحت مصر تاكل سمك بارخص الاسعار
فعلينا بان ننمي المشاريع ولانهدمها بحجة انها مخالفه
ومشوار الالف ميل يبداء بخطوة واحده للامام وعلينا باتخاذ هذه الخطوه .( كي نعبر المليون ميل )
احنا عاوزين مصر تبقي اكبر الدول المصدره للاسماك وباقي المنتجات المختلفة علينا ان نتخصص في مجال واحد وهو الغذاء وسف تكون مصر سلة غذاء العالم كما كانت في الماضي احنا عاوزين مصر تعلي كمان وكمان يبقي لازم استغلال الافكار العظيمه والتحرك بجد للامام .
عند كل حاجه افكار وايدى عامله ومناطق عمل بس مفيش حد ينفذ