شراء الاصوات بـ300 جنيه في الانتخابات بالاسكندرية

اصيب المرشحين بدوائر الاسكندرية بصدمه من جراء عزوف المواطنين عن الادلاء باصواتهم في الانتخابات المصرية لمجلس الشعب وهو ماصاب الحزب الوطني بصدمه وادى الي قيام المرشحين بارسال سيارات لجلب الاهالي وحسهم علي الادلاء بصوتهم واغرائهم بقيمة الصوت حتي انه وصل في بعض الدوائر مثل مينا البصل الي 300جنيه بخلاف الوجبه التي رصدها محمد رشاد عثمان لهم وهو مرشح العمال عن الحزب الوطني وكذلك في دائرة الرمل التي يترشح بها الوزير عبد السلام المحجوب وكانت الظاهرة الاكثر هي تواجد البلطجيه بشكل مكثف في الدوائر وان هولاء جاءو من اجل حمايه  مرشحي الوطني من الاخوان خاصة وان هناك اعادة في اكثر من دائرة مثل دائرة العامرية ودائرة اللبان ودائرة غربال ودائرة المنتزه ودائرة الرمل  ودائرة مينا البصل  وعزوف الاهالي عن التوجه الي الانتخابات يعد ضربه قاسمه للحزب الوطني بالاسكندرية

44 comments
  1. احمد 02/12/2010 18:01 -

    هيا دي مصر………..كووووووووووووووووووووسه

  2. محمود 01/12/2010 18:03 -

    والله تستهلوا اللى بيجرلكم مش حرام عليكم لما تاخذوا رشوةدا حتى ربنا قال(الراشى والمرتشى فى النار)ودول 300جنيه وهينصرفوا لكن شوفوا بقى اللى انتم انتخبتوه بالرشوة والتزوير هيعمل اى بقى لمايقعد على الكرسى مش كفايه الفساد والظلم اللى انتم فيه على فكرة انتم اللى بتعملوا كده فى نفسكم بايدكم خليكم كده بتبيعوا اصواتكم للناس ويا تراه هيعلولكم اى بعد كده واكيد وعدكم بحاجات كتيير يا تراه هيوفوا بوعدهم ليكم ..مش هما دول اللى بيخلونا نسيبوا بلدنا ونسافر فى الخارج ونسيب اهالينا واولادنا وقاريبنا ..اكيد فى فرق كبيررررر..

  3. sa3d-elshack 01/12/2010 11:40 -

    الراشى والمرتشى فى النار ايها المرشح الذى رشوت ناخب كيف تحترم نفسك وانت تعرف انك وصلت الى هذا المكان بالرشوه وهل انت دفعت كل هذه الرشاوى لتخدم اهل دائرتك ولا لتخدم نفسك ومصلحتك الشخصية لعن الله الراشى والمرتشى والله لن ينصلح حال البلد ابدا مادمنا مصرين على الفسادلانه لايغير الله ما بقومن حتى يغيروا ما بأنفسهم اللهم انى بلغت اللهم فأشهد

  4. sa3d-elshack 01/12/2010 11:28 -

    انا لله وان اليه لراجعون|كيف تحترم نفسك ايها الناخب وانت تبيع صونك لمن يدفع وكيف تثق فى هذا المرشح الذى وصل الى الكرسىبالرشوة وشراء النفوس الضعيفة اترجون منه خيرا اتقوا الله فى انفسكم والله ال

  5. بهاء الخشاب 01/12/2010 00:24 -

    والله الحزب الوطنى فى مصر ليس لها منافس بدليل وجود محمد مصيلحى و خالد خيرى و ممدوح حسنى و المحبوب وكلهم لهم سبقة عطاء لشعب الاسكندرية مع العلم ليس لى علاقة شخصية مع هؤلاء الرموز

  6. مسعد درويش(البوب) 30/11/2010 22:28 -

    انا محمد ديغم بن عم الجرجاوى ديغم داثرة بشبيش

  7. مسعد درويش(البوب) 30/11/2010 22:27 -

    ياهووووووووووووووو على الكوسة

  8. مهندس/عبدالعاطى كشك 30/11/2010 22:19 -

    نتمنى فوز الحاج/عادل شعلان بدائرة ادكو و رشيد فى جولة الاعاده ان شاء الله

    مع تمنيات اهل الخط الوسطانى و قومبانية ابو قير
    بالنجاح

  9. سهير حيدر 30/11/2010 18:40 -

    كل ده كذب وتجنى على الناس والله ماحصلش كل اللى بيتقال وحسبى الله ونعم الوكيل فى اللى بيتبلى على الناس بالزور

  10. ايه يا ميرو انت نسيت بلطه ويحى حنيطه كمل النجوم وابو طاسه

  11. المستعجب 30/11/2010 08:58 -

    اه يابلد احنا اللى وصلنا نفسنا لكدا ولسه ياما ح نشوف

  12. إسكندرانى 30/11/2010 01:28 -

    عبد السلام المحجوب أصلا محبوب بشدة فى الإسكندرية كلها ومش محتاج بلطجية علشان يحموه من الأخوان وكمان شعب الإسكندرية كلة يحمية منهم ويديلوة أصواتهم
    كمان دائرة الرمل حسمت للمحجوب وهو يستحقها بلاش إفترى بقى
    حسبى الله ونعم الوكيل
    على فكرة أنا ضد الحزب الوطنى إحنا محتاجين تغير مش أفترى

  13. تحية خاصة لاهالي الاسكندرية والله العظيم انتم رجالة بمعني الكلمة وعملتم اللي ما عملوش بقية الشعب الي ارتضي يبيع صوته بجنيهات مقابل انه يفضل يتنهب بقية عمره

  14. مصرى 29/11/2010 23:28 -

    السلام عليكم ورحمة الله وبركاتة انا عايزة اسال الناس اللى بتبيع صوتها مقابل الفلوس مسالوش نفسهم ان هذا المرشح اىنكان بيديهم الفلوس دى لية واذاكان هو بدا بالغش والرشوة واستغلال الناس الغلابة قبل ما يقعد على كرسى البرلمان يبقى هيعمل اية لما يقعد على الكرسى ولازم الناس تعرف ان اللى اخدوه النهاردة 100او200اوحتى500بكرة يدفعوه من دمهم واكلهم وشغل اولادهم لانه لم يتم تعينهم اللى بالرشوةعلشان الاخ العضو يلم اللى دفعه فى الانتخابات وحسبنا الله فى الراشى والمرتشى داغير غلاء الاسعار وما خفى كان اعظم والله المستعان

  15. الحياتى 29/11/2010 23:27 -

    فعلا الصوت وصل ل300 جنيه فى دائرة غربال ومعاه وجبة وكان اكتر واحد بيعمل كدا ممدوح حسنى وانصاره وعندى شهود على ذللك

  16. روكى أفندى 29/11/2010 22:43 -

    هو فى حد مش عارف ألآسعار بالنسبة للخضار و الفاكهة و العيش و الفول و اللحمة و السكر و أيجار السكن و الدروس الخصوصية و الملابس .كفاية كدة ولا أكمل …… و المرتبات كام ؟ وتقولى شعب يرتضى أن يباع .أنت لو أبنك ولا بنتك محتاجة للذهاب لطبيب أو دواء لن تبيع عينك ؟

  17. حبيب الحزب 29/11/2010 21:57 -

    احلف بسماها وبتربها الحزب الوطنى الى خربها

  18. ميرو 29/11/2010 19:56 -

    فى الدائرة 11 الدخيلة فى الحزب ولعة وبايتةوالنبى دى أسماء فى الحزب علشان كدة لازم يجيب مرشح أمى معاة محو أمية على مقعد الفئات

  19. ميرو 29/11/2010 19:51 -

    أستشكال أزاى النائب المبجل منعم راغب عن مقعد الفئات حاصل على بكالوريوس محو أمية ماهو العيب مش علية العيب على الحزب الموقر اللى جايب واحد جاهل أمى

  20. تامر 29/11/2010 18:49 -

    للاسف حاول زبانية امن الدولة التزوير في دائرة كرموز ولكن السحر انفلب علي الساحر

  21. حرام عليكو يا جماعه محمد رشاد عثمان دة راجل كويس ومحترم ومدفع ولا جنيه واحد فى الصوت انا واحد من دائرة مينا البصل وعارف كل حاجة واحب اقولو الف الف الف مبرووووووووووك لانك تستحقها بجد وانت اللى هتحل مشاكل الناس

  22. أبوسليم غربية 29/11/2010 17:56 -

    حسبـى الله ونعم الوكيل فى كل من ظلم البلد .. وحسبى الله ونعم الوكيل فى كل من قبل رشوة .. تبيع زمتك مقابل 300 جنيه ؟ مسألتش نفسـك هو ليه بيدفعلك 300 جنيه ؟؟ اكيد هياخد على كل 300 جنيه 3 مليون جنيه بالنصب والتزوير من قوت وملك الشعب .. الشعب الغلبان اللى مش لاقى ياكل لما كيلو الطماطم يوصل 12 جنيه واللحمة 75 جنيه والسكر ب 7 جنيه ومش لاقيينه يا ناس اتقو الله واحسبوها صح مع نفسكـم وافوض أمرى إلى الله انتخابات هذاالعام زبالة قذارة

  23. الحز الوطني هينجح المحجوب بالعافيعه والكوسه والتورير

  24. محمد تهامى 29/11/2010 16:41 -

    بصراحة انا قاطعت الانتخابات لخلوها من المنافسة الشريفة ومساندة الحكومة والشرطة وكل الاجهزة الرقابية للحزب الوطنى الذى اصبح الستار الذى يختبئ وراءه كل من يريد الحصول على مقعد فى مجلس ىالشعب وانا حزين على التعنت الواضح ضد الاخوان المسلمين وكنت اتمنى ان ارى منافسة شريفة بين الحزب الوطنى والاخوان والشعب هو الذى سيختار من يمثله وهذه هى الديموقراطية وعلى الرغممن اننى ليس اخوانى او حزب وطنى الا اننى متعاطف جداً مع اللاخوان وقمع الحكومة وتشددهم مع الاخوان اظهر ضعف الحكومة وليس قوتها لانها لو كانت على هدى وحق لكانت افسحت الطريق للاخوان لتظهر ضعفهم او قوتهم وهذا ما حدث على العكس حيث ان الحكومة خشيت من فوز الاخوان فقامت بالافعال التى شاهدنها وسمعنا عنها وهذا خير دليل على ضعف الحكومة

  25. نانوسة 29/11/2010 16:32 -

    اساسا الحكومه بتكسب اللى هى عيزاهم يكسبوا لا فارقة معاها عدد الاصوات ولا حاجه هى البلد ضاعت من شوية

  26. واحد 29/11/2010 16:10 -

    والله يا جماعة كانت عينى عينك حسبى الله ونعم الوكيل حسبى الله ونعم الوكيل حسبى الله ونعم الوكيل

  27. من يتحدث عن دائرة الرمل عليه اولا ان يعلم جيدا انه يتحدث عن اللواء المحبوب ذلك البطل التاريخى الذى يضعه التاريخ فى اعلى مراتب الوطنية لما قدمه لمصر طوال سنوات عمره والذى اعلن انه يرفض ان ينجح بالتزوير فكان نجاحه بحب الناس واحترامهم لعطائه لمصر و الاسكندرية فتحية للواء المحجوب واتقوا الله فيما تكتبون

  28. محمد السمسار 29/11/2010 14:57 -

    الالخ العلامة كاتب الخبر يجب التاكد اولا من النتائج التى تعرضها واى الدوائر التى توجد بها اعادة لانه من غير المعقول او المقبول ان تتم الاعادة ين اللواء عبد السلام المحجوب والمدعو صبحى صالح الكذاب الاكبر

  29. اسامه 29/11/2010 14:51 -

    انا شوفت بعينى فى دائرة كرموز بالأسكندرية حصول مرشح الأخوان محمود عطية حصولة على اعلى
    الأصوات (فئات )على مستوى جميع الدائرة بلا أستثناء وفواز عبد الحليم (وطنى عمال)
    وبشرى السمنى مرشحة الكوتة (أخوان)وتغلبها على نادية عبدة بتاعة المياةوحنشوف الحكومة
    حتعلن الحقيقة ولا زى كل مرة

  30. البوب 29/11/2010 07:37 -

    السلام عليكم ورحمة الله وبركاتة
    انا هبسط الامر عليكم
    الانتخبات فى مصر فوضة فا اللى معاه فلوس يخش ويسلم واللى ممعهوش يركن على السلم

  31. Eslam Shaat 29/11/2010 04:35 -

    حسبـى الله ونعم الوكيل فى كل من ظلم البلد .. وحسبى الله ونعم الوكيل فى كل من قبل رشوة .. تبيع زمتك مقابل 300 جنيه ؟ مسألتش نفسـك هو ليه بيدفعلك 300 جنيه ؟؟ اكيد هياخد على كل 300 جنيه 3 مليون جنيه بالنصب والتزوير من قوت وملك الشعب .. الشعب الغلبان اللى مش لاقى ياكل لما كيلو الطماطم يوصل 12 جنيه واللحمة 75 جنيه والسكر ب 7 جنيه ومش لاقيينه يا ناس اتقو الله واحسبوها صح مع نفسكـم وافوض أمرى إلى الله

  32. حسبى اللة ونعم الوكيل انا مش هاقول غير ان الناس دى ( الحكومة) وصلت الى مرحلة انها مبتخفش من اللة عز و جل

  33. الجن 29/11/2010 02:07 -

    اااالإنتخابات ملماش لازمة أصلا تعب على الفاض ومفيش رقابة ومفيش من يتقى الله فينا

  34. ابو لمعه 29/11/2010 00:21 -

    ما اجمل ان تدلى بصوتك فى هذه البلد الجميل ما اجمل الحريه بها اما الديمقراطيه ماقولكش شىء ولا فى الخيال صنديق زجاجيه من اجل الشفافيه حراسه مشدده من البلطجيه من اجل حمايه سيادتكم من ان يعترض احد ديقراطيتك وحريتك فى التعبير احس باننى اختنق من الشفافيه والديمقراطيه والحريات والتعبير وقال بعد كل ده اقلاقى ابنى بيصحينى ويقولى مالك يا بابا لنت بتحلم ولا ايه للاسف اكسفت اقوله انا بحلم بأيه
    من البلد الحزينه رغم شبابها وصباها من الاسكندريه

  35. قرفان مواطن قرفانr 28/11/2010 22:09 -

    ffبصراحه ياجماعه الحكومه رافضه وجود اى معارضه حقيقيه فى الدوره القادمه لذلك قامت بشطب كل المشاغبين او نزول وزراء امامهم فى دوائرهم او اختيار اصحاب الاموال الذين يستطيعون استقطاب الغلابه مقابل مبلغ مادى قد يصل الى مرتب شهركامل لبعض المواطنين وشوفوا ابن رشاد عثمان بيدفع كام فى الصوت فى مينا البصل فى الاسكندريه ( احمد عز عرف ازاى يبعد كل من سبب ارقا فى الدوره الماضيه للحزب الحاكم وكفايه انه استطاع ان يتغلب على معارض شريف زى مصطفى بكرى فى حلوان وقسم الدايره علشان ينزل امام وزير الانتاج الحربى بلسطانه ونفوذه وفلوس الدوله اللى بيقدمها الان فى شكل رشاوى كل ده علشان الحكومه تقدر تعمل اللى هى عاوزاه بدون اى مشاغبات ولك الله ياشعب مصر
    اما لصوص الشعب فاعلموا ان هناك قبرا سوف يضمكم فى احضانه قريبا ووقتها لن ينفعكم اموالكم ولااولادكم شيئا منكم لله ياشوية حراميه

  36. حسن ابو على 28/11/2010 20:58 -

    شعب ارتضى لنفسه أن يباع ويشترى ، لن يبحث أحد لكم عن حقكم ، شعب لا يستحق الديموقراطية لأنه يمتهن نفسه بنفسه ، ويرتضى أن تباع ذمته ، لو كل واحد رفض رشوة ، الراشي مش هيلاقي حد يرشيه ، لكن الدولة سايباكم تعكو وتتعاصو لأنكم لا تستتحقو الانقاذ ، تستاهلو والله

  37. مصري 28/11/2010 20:11 -

    السبب هو كانت فيه شبورة جامدة مخلتش الناس تشوف حاجة علشان كده مخرجتش من بيوتها ههههههههه

  38. الحريري 28/11/2010 19:05 -

    ومتنسوش دائرة اسوان
    وطبعا دون ذكر اسماء مرشحي الحزب عارضين 200 جنية
    لصوت

  39. من 300جنية لشراء صوت اما انة سرق عن كل صوت/300000/الف او ليضع باق البلد فى جيبة

  40. ساندى على 28/11/2010 18:34 -

    السلام عليكم ورحمة الله وبركاته السنة دى الانتخابات اصلا مش صح من البداية رفض المرشحين واستبعادهم بحجة اوراقهم ناقصة بالرغم من كسبهم للقضية والاستشكال بس مين اللى هينفذ ؟؟؟؟؟؟؟؟؟؟؟؟؟وكمان الناس لم تنزل من منازلهم للانتخابات بسبب النظرة السلبية لهم للاحداث الحاصلة بهذا الموضوع اللجان موجودة فى المدارس ومحدش راح من الناس اصلا الا اللى اخد الفلوس مقابل الصوت عايزين نعرف ماذا تفعل الحكومة ولو فعلا كانت عايزة الحزب زى مابيتقال لية نزل كل المرشحين زى ما استكفيت من المستقلين كمان كان لازم باقى الاحزاب الا الوطنى ولا عشان نقول الانتخابات نزيهة

    ساندى الاسكندرية

  41. احمد 28/11/2010 18:25 -

    حسبى الله ونعم الوكيل
    اتقوا يوما ترجعون فيه الى الله
    يا حراميه البلد

أضف تعليقاً