الفاسدين يقعون الواحد تلو الاخر وجاء الدور علي وزير التنميه المحليه السابق محمد عبد السلام المحجوب واللواء عادل لبيب محافظ الاسكندرية المستقيل بتهمة اهدار المال العام ومنح تراخيص غير قانونيه في البلاغ المقدم ضدهم باهدار المال العام ومنح تراخيص غير قانونيه لرجل الاعمال وعضو مجلس الشعب السابق محمد ابو العنيين فقد كشفت تحقيقات النيابه العامه بالاسكندريه التي تمت باشراف المستشار ياسر رفاعي المحامي العام لنيابات الاسكندريه انهم تواطؤاء معا لاهدار المال العام حيث خصصا قطعتا ارض بوسط البلد بمنطقة الازاريطه بينما القطعه الثانيه بمنطقة العجمي بسعر لايتعدي ال5 في المائه من قيمتها الحقيقيه مما اضاع العشرات من الملايين علي الدولة وقد تبين ان اللواء المحجوب قد قام بمنح ابو العنيين ترخيص لبناء مول تجاري بشارع سوتر بالازاريطه بارتفاع يزيد عن المعايير الفنيه ب27 متر ونصف وخصص لبيب قطعة ارض اخري لضمها الي ارضه لبناء حمام سباحه مما ادي الي ضياع اموال كثيرة علي الدولة هذا وقد وجهة النيابه الي اللواء عادل لبيب تهمة الاهمال الجسيم في تادية وظيفته باتخاذ قرارات بالغاء قرارات التخصيص السابق صدورها من المحافظ السابق المحجوب وكانت المفاجاة في التحقيقات قيام ابو العنيين بالتنازل عن الادوار المخالفه لصالح الدولة لتخصيصها لاي مشروع يخدم المواطنيين واقر كذلك بالتزامه بكافة الرسوم والغرامات المستحقه عن هذه المخالفات هذا وقد امر المستشار شريف ابو ضرير بالتحفظ علي اللواء المحجوب واللواء عادل لبيب ومحمد ابو العنيين علي ذمة التحقيقات لحين استكمال باقي التحقيقات بتهمة اهدار المال العام وتسهيل الا ستيلاء علي قطعة ارض والبناء بدون ترخيص وكذلك منع رجل الاعمال من التصرف في المبني محل المخالفة والتحفظ علي المبني وذلك حتي تتم معاينته ومدي سلامته وصلاحيته للاستعمال من قبل لجنة من كلية الهندسة ومازال سقوط الفاسدين من رجال الدولة ورجال الحزب الوطني وتحيا مصر حره
الله يخرب بيوتهم
طبعا راييى داه عن اب كل بنت وولد سكندريين و هو عبد السلام المحجوب و كلنا بنحبه لإنه راجل نظيف و انا من راى رد بنت مصر كل الى كان بيعمله لصالح اسكندريه الله معك يا ابانا لما عادل لبيب فهو يستحق يبقى مع شلة الحراميه فى طره
اتقو الله اتقوا الله فهو اعلم و إذا جائكم فاسق بنبا فتبينو قبل ان تصيبو قوم بجهاله فتصبحو على ما فعلتم نادمين نستنى لما نشوف النتيجه النهائيه ايه لإننا كلنا نعلم انه راجل صالح و ليس عليع غبار
الف خساره عليك يا محجوب؟؟؟ حتى انت ما كنتش محجوب من الفساد؟؟؟؟؟
قام المدعو رئس حى المنتزه اللواء سعد عرفة باحراق الدور الثالث للمرة الثانيه وبلاخص مكتبه للتخلص
من المستندات المصقدق عليها عادل لبيب والتى تدينه
المحجوب سياسته معروفه وهو عرفنى له حسن الخلق والتدبر وكان عارف انه لو رفض اى مشروع للحرامية هيلفوا وهيجبوا موافقة من فوق علشان كده كان بيعمل لصالح الاسكندرية فكان بيقبل بالتراخيص فى مقابل اعطاء الشركة خدمة للمدينة ذاتها وليس خدمة شخصية يعنى فى مقابل عمل محطات ترام او تزيين ميادين او توضيب اى مكان فى اسكندرية
اما بقى عادل رصيف فدا كان مثال للتخريب البين بهدل اسكندرية وقرفنا عايزين نشوف فيه يوم
صحيح كان راجل نزيه من كل حاجه كويسه يمهل ولا يهمل وحسبنا الله ونعم الوكيل
أن شاء الله كل الناس الفاسده تتحاسب وتتصادر كل ماتم الاستيلاء عليه واعادة استغلاله لصالح الناس مش فرد وماتم تسقيعه من أراضي خريجي الشباب واستغلال كل شبرا منها وعدم تعجيز الشباب عن استغلالها
يعنى يا عم عادل يا لبيب عمال تدى الناس اراضى ببلاش وتعلى فى الادوار هى كانت دى عزبه الحاجه اللى سيبهالك ده انت خربت اسكندريه وكأنى المعلم الكبير زعيم العصابه مسلطك على شعب اسكندريه عمال تمسك العربيات حضانه وتهد عمارات الناس تعبانه فى فلوسها وتعطى اراضى لبلدياتك بتوع كفر الشيخ ببلاش الله يخرب بيتك زى ما خربت بيت الناس ودلوقت بقى اسكندريه نضفت بجد الله لا يعودك تانى يا حرامى يا جلب يخرب بيت القطر اللى جابك عندنا ويخرب بيت ام اللى خلاك محافظ نسيت اسألك بكام كيلو الكوسه انهارده
والبقيه تاتى يعنى يا عم عادل يا لبيب عمال تدى الناس اراضى ببلاش وتعلى فى الادوار هى كانت دى عزبه الحاجه اللى سيبهالك ده انت خربت اسكندريه وكأنى المعلم الكبير زعيم العصابه مسلطك على شعب اسكندريه عمال تمسك العربيات حضانه وتهد عمارات الناس تعبانه فى فلوسها وتعطى اراضى لبلدياتك بتوع كفر الشيخ ببلاش الله يخرب بيتك زى ما خربت بيت الناس ودلوقت بقى اسكندريه نضفت بجد الله لا يعودك تانى يا حرامى يا جلبيخرب بيت القطر اللى جابك عندنا ويخرب بيت ام اللى خلاك محافظ
السيد عادل لبيب من الرجال المحترمين ولقد عرفناه وهو محافظ قنا
كان مثال النزاهة والرجولة والاخلاص
ولولا الله اولا ثم السيد عادل لبيب لاصبحت قنا زبالة المحافظات
ان هذا الرجل له بصمة وفضل على قنا مدى الحياة
ولااظنه من الفاسدين
أين باقى العصابة مينفعش كده عايزين القواد والمخرب واللص الكبير صفوت الغير شريف وتابعه قفه فتحى شرور المرتشى الكبير صاحب سيد قراره مفسد الحياة النيابية فى مصر وأين بأسم النبى حارسه زكريا عزمى اللهيط الكبير الحوت أبو كرش واسع مدرب الصرصار جمال والمؤهل له لرئاسة الجمهورية صاحب حادثة السفينة السلام 89 والمتستر على ممدوح أسماعيل .يا عالم مينفعش تمسكوا الذيول وتسيبوا الرؤوس التى ما زالت طليقة وما زالت تخرب وتعمل على فشل ثورة شباب 25 يناير ..أرحمونا وأقبضوا عليهم جميعا اذا أردتم أن ينصلح حال مصر ..اللهم أنى قد بلغت اللهم فأشهد
اللى تقول علية موسى يطلع فرعون..حتى الامام عبد السلام المحجوب اللى النا س كانت بتصلى وراةوهو محافظ الاسكندرية…يطلع هو كمان حرامى..ممكن حد يا نا س يفولى مين مش حرامى اتارى الناس كل ما تروح تقدم فى اى مصلحة او شركة يقولك فوت علينا بكرة يا محترم…تفوت بكرة تعالى بكرة يا محترم…يبقى احنا صح اللى محترمين..وهما اللى مش محترمين لان احنا لو كنا وزرا او محافظين..او رجال اعمال..كنا بقينا مش محترمين…بس احنا زاد احترامنا لنفسنا..بعد الثورة ومسكنا الكلاب الغير محترمة من قمة الهرم الى القاعدة وما زالت القمم تتساقط كا لفراش حول النيران…نحن ابنا ء الشعب المطحون لمدة ثلاثون عاما لابد ان توضع الرموز الفاسدة..فى اقفاص من الحديد..وتعرض على العامة والخاصة فى ميادين مصر..يوم العطلة الرسمية..وفى الاعياد…وتحدد قيمةالفرجةعلى هؤلاء الاوباش..لصالح شهداء الثورة كما تقام مباريات كرة القدم لصالح هؤلاء الشهداءوتوضع الاقفاص فى مداخل الاستاد او الملاعب لكى تتم مشاهدتهم..ويضاف ربع جنية على ثمن التذكرة للمشاهدة ..والله المستعان على بقية الزمرة الفاسدة
يمهل ولا يهمل ربنا ينتقم من كل ظالم