مطلوب أسد لجمهورية مصر العربية

لا أعلم بالضبط ما هو السر الخفي وراء تأييد التحريريون لعصام شرف علي حساب أحمد شفيق فكلاهما كما قال يحيي الجمل من ريحة النظام السابق وإن كان شفيق قد انجز كوزير للطيران بالرغم من جو الفساد الذي كان يحيط به أما عصام  شرف فقد تخلي عن الإنجاز بحجة الشرف ولكن ما حدث مع شفيق كان عكس ما حدث مع شرف تماما بالرغم من انهم قطعية واحدة من قلب النظام السابق و الحجة التي افتعلها التحريريون واهية و تصلح لان يوصف بها نصف المصريين وعلي راسهم القائد الأعلي للقوات المسلحة الذي يامر وينهي ويتحكم في مصير مصر الآن المشير طنطاوي الذي يعد أحد اضلاع مثلث برمودا أقصد النظام السابق وهم عمر سليمان للمخابرات وحبيب العادلي للشرطة وطنطاوي للجيش الذي يعد من اقرب المقربين لمبارك الي جانب المدة الطويلة التي قضاها في منصبه في الجيش وكأن الجيش قد خلا من قياداته يعني كان هو وحبيب العادلي وجهان لعملة واحدة هي حكم مبارك .
، ومع ذلك لم يفتح احد فمه بكلمة واحدة ليقول طنطاوي لازم يرحل فمن الواضح أن الرحيل مزاجات عند التحريريون ، فلماذا إذا شفيق بالذات الذي لزق به تعيين الرئيس له ،علي الرغم أن قائمة المعينين من قبل النظام السابق طويلة قد تصل لأشخاص مرشحين لرئاسة مصر لنبدأ معهم الكر والفر من جديد ، إذا الموضوع به سر فعندما يجمع الشعب علي احترام هذا الرجل ونجد بواقي التحريرون يهتفون ضده إذا هناك سر وعندما نجد التليفزيون المصري المؤدب دائما لايذيع شئ عن الهتافات التي اندلعت في ميدان مصطفي محمود تنادي شفيق بترشيح نفسه لرئاسة الجمهورية حتي وإن كانت أعداد قليلة وتكتفي بمشهد الليلة الكبيرة في ميدان التحرير حول الورقة الكسبانة أقصد عصام شرف إذاهناك سر و عندما نجد تعالي للعديد من الأصوات الإعلامية وسن للأقلام الصحفية علي شفيق ثم صمت وتأييد من الإخوان وكافة القوي السياسة والصحافة القومية والمستقلة علي حد سواء لشرف إذا هناك سر حاولت تفسيره وفك شفراته حتي توصلت إلي أكواد إذا قمت بالضغط عليها عزيزي القارئ ستحل الشفرة من تلقاء نفسها ، الكود الأول الأخوان والأحزاب السياسة والحركات الوطنية والتحريرية والبرادعي وشركاه عايزين رئيس وزراء علي الكيف يعني يقدروا يكلوا معاه من التورته دون دفع الحساب كامل والحساب ليس بالضرورة مادي ولكنه هنا في المقام الأول معنوي لكن شفيق رجل عسكري يعني واحد زائد واحد مينفعش يبقوا تلاته ، الكود الثاني كرسي الرئاسة والذي إن ظل شفيق في رئاسة الوزراء حتي حدوث الانتخابات واختيار الرئيس الجديد سيترك رئاسة الوزراء بسلام واحترام للشرعية والدستور وحق الرئيس الجديد في اختيار رئيس وزراء آخر حسب رؤيته ووفقا للمصلحة العامة وبالتالي سيشعر الرئيس الجديد بمنصبه ويستخدم سلطاته بشكل طبيعي كرئيس للجمهورية وبالتالي كانت ستموت طموحات باقي الشلة في السيطرة والهيمنة ولكن شرف الذي أتي بهتافاتهم واعتصاماتهم وتربيطاتهم إذا بقي رئيس للوزرء وجاء رئيس مصر الجديد ستجدد من اجل شرف الهتافات والاعتصامات وستقام ليلة كبيرة ثانية في ميدان التحريرمن اجل بقاءه في منصبه وسيتم نفخه بأكبر منفاح تحريري حتي ينفجر في وجه الرئيس الجديد ويقول له بخ إما أن ترضخ وتعرف أن عهد رئيس الوزراء بدا في مصر وانتهي عصر رئيس الجمهورية وانت هنا مجرد صورة وقد تحولت مصر إلي لبنان آخر واما أن تتحدي رغبة الشعب التحريري وتتهم بالديكتاتورية إذا حاولت استخدام سلطاتك كرئيس جمهورية وخلعي من منصبي ، انتهت الاكواد ولكن نصيحة لكل مواطن مصري ان يختار رئيس جمهورية أسد حتي يستطيع ان يحمي عرينه جيدا .

22 comments
  1. هاني الصعيدي 14/03/2011 06:26 -

    اي حد عندة دليل علي فساد مسئول يطلعة غير كدة منرميش بتهم علي الناس شفيق اسبت فسادة في الطيران المدني واظن لو في حاجة ضض شرف كانت طلعت ومدام الراجل بيشتغل بضمير يبقي نبقة كلنا وراه ايد وحدة وبلاش الكلام الي بيشكك في الناس كلها علشان احنا مش ناقصيين كل حاجة من بعد ثورة 25 يناير بلمستندات بلاش الكلام وبس دة الي هيضيعنا وبعدين احنا دلوقتي عايزين البلد تستقر وحضرتك تقوليلي شفيق رايس للجمهورية ربنا يهديكم علي مصر

  2. يا جماعة احنا خسرنا واحد بيشتغل بجد مش مجرد بيتكلم وبيطبطب علينا بس ، طبعا عصام شرف كويس جدا لكن احمد شفيق راجل كفىء جدا وكان هيعمل تغيير بجد واحنا لاحظنا الكلام ده من اول ما مسك الحكومة كان عامل زى النحلة وكان فاهم بيعمل ايه ولكن اللى زيه كده ما بينفعش فى البلد ده لان احنا عاطفيين وبنحب اللى يضحك علينا وينومنا مع احترامى لعصام شرف هو فين من ساعة ما مسك الحكومة وايه الجديد الى قدمه وفين وزير المالية الى كان دائم الظهور ،انا رأى ان احمد شفيق عملة نادرة كان يجمع بين الاحترام والكفاءة ونحط تحت الكفاءة الف خط لان الاحترام والشرف وحدة لا يكفى .

  3. الله ينور يا مصرية احسن رد وانا كمان زيك مصرية وافتخر

  4. ابو بركة 13/03/2011 19:40 -

    مش عيب ان يكون في ناس عانت لدرجة لايمكن وصفها من النظام البائد وطبعا حضرتك مش منهم ولكن العيب ان نكون سطحيين لهذه الدرجة اللى انت بتتكلمى بها — حبيب قلبى د احمد شفيق كان همه والدنيا مولعة ان يراجع حدود القاهرة والجيزة و و و احمد باشا كان هوه المناسب لتتم عملية التغطية على بلاوى كتيرة — شفيق باشا واعنى كلمة باشا كان متعالى على الناس وطبعا معروف ليه حاجات كتيرة نعرفها وحضرتك ياعالية المقام لاتعرفيها — اعطى نفسك شوية وقت — واسألى نفسك ليه الكره اللى عند الناس لكل هذه الشلة التى لاتوصف ب
    أى وصف محترم — انتى يمكن لم يكن لك مصلحة تتعارض مع مصالحهم والتى كانت هى كل مصر فهى الميراث الذى تركه لهم بابا الباشا من ارض وناس واعراضهم — كلام كتير كتير وله وقته راجعى نفسك شوية والمطالب بالحق مش ديكتاتور ولكن الحق — كلمة من ارع حروف لو نزعنا منها اى حرف لم تصبح لها معنى — عزيزتى لاتوجد كلمات تعبر عن مدى الكره للشلة دى — انا مستعد اشرح اكتر لو انك عايزة

  5. الشريف 13/03/2011 07:28 -

    الاخت مصرية
    والله انت بنت ابوكي وابوكي راجل وخلف بنت زيه احنا كده الصعايدة لما بيعجبنا تصرف يصدر
    من بنت
    الاستاذة كاتبة المقال
    التحريريون ده مش اسمهم اسمهم (الاحرار)
    اللي هم خلوا حضرتك تكتبي كدة وبجراءة واللي هم برضة خلوني انا ارد علي حضرتك بجرأة اقوي
    تحية للابطال الاحرار قاهري الفسدة والمفسدين
    عصام شرف اختيار الشعب الحر .شفيق اختيار صديقه الحرامي الفاسد
    مجموعة ميدان مصطفي محمود اسألي عنهم المحامي الفاشل ابو لسان طويل

    اخيرا محدش اقوي من مصر ومن الشعب المصري ولو كان المشير نفسه
    اصحاب الثورة الابطال الاحرار
    هم وحدهم من يقررون ان يأتوا بأسد او فأر
    فقط خليكي في حالك

  6. mohannad 13/03/2011 00:42 -

    حسبى الله ونعم الوكيل فيكى وفى امثالك
    ستضيعي دم الشهداء منك لله ربنا يورينا فيكى انتى واللى زيك يوم زى يوم احمد عز

  7. mohannad 13/03/2011 00:41 -

    يقول رسول الله صلى الله عليه وسلم لا تجتمع امتى على ضلاله
    وكل الاس اجتمعوا على انكى على خطأ
    وانا معهم
    فمن الأفضل لكى أن تتركى الصحافة بأفكارك الهدامة وتعملى اى عمل آخر

  8. والله انا شايف ان الراجل اللى استقال فى وقت كان غيره يتمسك بالكرسى لاخر قطره فى دمه ولاخر جنيه يستطيع سرقته ارى ان الدكتور عصام شرف اسم على مسمى ويستحق ان ننتظر عليه وندعو الله ان يحاسب من قبله والذى ساعد اللصوص فى تدمير المستندات الهامه وتهريب اموالهم خارج البلاد

  9. kamel kimo 12/03/2011 20:54 -

    الى هيلعب بمصر تانى مش دلوقتى بعد عشربن سنة تانى ونجرب عصام شرف و لو مانفعش التحرير موجود وعاوزين نشتغل جميعا سواء شفيق او شرف او غيرة احنا الشعب احنا كلنا لازم نخاف على مصر و نرفعها لفوق بالعمل و الضمير الحسن الشغل بضمير هو الى هيكبر مصر اهم حاجة الضمير الصالح سواء لشرف او شفيق او غيرة

  10. زهرة البنفسج 12/03/2011 13:10 -

    ياترى كل عاوزين مين لمصر ان متوسمه خير فى الدكتور عصام شرف وارجو الكف عن عمل البلبه حتى نتقدم ونعدى المنه الصعبه

  11. ناصر مناع 12/03/2011 00:10 -

    يا أستاذه حرام عليكي عصام شرف من ذو الاخلاق الرفيعه مصر محتاجه الدعاء ل شرف والاجتهاد في العمل تأكدي ان مفيش حد يقدر ييجي يلعب بمصر تاني اللي هيلعب بمصر وهيخربها اللي بيتكلم كتير ومبيشتغلش بضمير

  12. معتز فاروق محمود جمال عبد الحميد 10/03/2011 19:35 -

    ياجماعة عدو اسرائيل علشان الغاز المصري بتراب الفلوس من حقنا نبيعة بالسعر اللي احنا عايزينه

  13. رمزي 10/03/2011 17:01 -

    يا استاذة بالله عليكي لو عندك ذرة وطنية بلاش الكلام دة تعالو نتكاتف وراء uعصام شرف وانسو عهد شفيق الاوضاع مش ناقصة وان كنتي بتقولي على الاحزاب والاخوان انهم عايزين شرف لاغراض انتخابية ورئاسية طيب شباب التحرير عايز ايه غير صالح الوطن

  14. عمر التركي 10/03/2011 16:29 -

    استاذتي العزيزة نبرتك المتفائلة بشفيق والمتشائمة من شرف لك فيها حريةولكن اذكرك ان دكتور عصام شرف ليس بهذه الصورةوبعدين هوا رئيس وزراء انتقالي ولو تعامل بشرف مثل اسمه ما المانع ان يكمل كرئيس وزراءلصالح الوطن وموش حيحصل اننا نجيب رئيس جمهوريةيكون مجردصورة رئيس الجمهوريه له هيبته وأي واحدحيتقدم للمنصب عارف الف مرة ان فيه شعب يحاسب الشعب بقا عنده وعي قوي وموش حيسمح تاني يضرب علي قفاه اما الدكتور الفاضل احمد شفيق هو من تهاون في حق نفسه بتهاونه في حق الشهداء وتباطؤه الغير مفهوم للاحداث وتاييده الكامل لمبارك ايام الثورة وكلامه عليهم باستهانة كفانا تعاطف يا عزيزتي الوقت القادم نريد عمل لا تعاطف

  15. وليد الحاوي 10/03/2011 15:15 -

    احنا مصرين (مصر مقبرة الغزاة )أن كان الذى سوف يغزو البلاد مصرى طاغية أومن خارج البلاد وشكرا أحنا مش عيزين اسد علشان ممتو اسمها…….

  16. medoenas 10/03/2011 14:42 -

    يا جماعة كلنا مصريين و ياريت لو حد فيكم اتفرج على برنامج العاشرة مساءا و شاف عصام شرف سوف يكون من المويدين له محدش سال نفسة لية امن الدولة اتحرق الورق اللى فيها و اتقطع بعد احمد شفيق ليه البلطجية نزلوا ضربوا بتوع صلاح سالم كله دة يوكد ان عصام شرف من اكفاء الناس لهذا المنصب و لذلك اعوان النظام السابق يريدون ان يخرجوة منها فكروا فكروا

  17. مصرية 10/03/2011 14:28 -

    اقولك ليه الاعلام مش بيجيب عن الغوغاء اللى ميدان مصطفى محمود حاجة
    لان كل عددهم الف شخص دا اولا وثانيا دا مش وقت اعتصام عشان اختيار رئيس لان اختيار الرئيس لا دا وقته ولا دا مكانه
    ثانيا احمد شفيق اللى انت عمال تنفخ فيه تعرف انت ايه عنه
    اقولك يااستاذ نهب فلوس بحجة تطوير المطار اومال هو هيعرف يسرق ازاى هاتى مليار قرض واصرف نصه بس قول انا صرفت مليار وماحدش بيدور
    تعيين ناس على مزاجه وبفلوس ودى انا احط صباعى فى عين التخين اللى يقول غير كدا
    شرف بقى اللى مش عاجبك وعمال تقول تورتة ومش تورتة وشكلك انت اللى ززعلان
    بتوع التحرير هما اللى خالوا لسانك طويل وعارف تتكلم دلوقتى من غير ماتبقى خايف تتاخد من قفاك
    شرف راجل محترم واظن الناس ماراحتش تهتف باسمه وتقول شيلووا شفيق حطوا شرف
    ثالثا انت عمال تنخور ورا القائد الاعلى للقوات المسلحة
    احب اقولك انك جاهل اه هو فاسد ودا اكيد بس مش اللى يقف جمب المصريين وبعد الدنيا ماتقول برافو للجيش نقول ياللا روح على بيتك يا طنطاوى
    ماينفعش دا غير انه لغاية دلوقتى مافيش حاجة غلط عملها
    رابعا بتوع التحرير اللى مش عاجبينك قابلوا الرصاص والبلطجية بصدور عارية فى الوقت اللى انت كنت فيه تحت البطنية بتتفرج على مولدى
    خامسا: الشعب المصري فاق ومابياكلش من الكلام دا
    واظن من الجهل يطلع ملايين تقول لشفيق مش عاوزينك كرئيس وزراء
    واحنا نجيب الف واحد يقول نعم لشفيق كرئيس لمصر
    اين العقل
    فوق واغسل وشك كدا واعرف ان فى مصر حصل حاجة اسمها ثورة
    اه واكبر مثال عندك الغنوشى مش تونس عمل ايه فى الفترة اللى قعدها
    ورئيس الوزراء اللى جه بعده فى يومين عمل ايه
    فوق يا استاذ

  18. عبدالهادي صابر 10/03/2011 12:38 -

    اصح كفاية نوم نريد تغير وليس ترقيع

  19. تامر 10/03/2011 12:30 -

    كلام معقول طبعا ولكن ليس كل حقيقة تقال وخاصة ف هذه الآونة اتي لمع فيها اصحاب الألسنة الطويلة والنظارات الطبية او (((((( الناشطون )))))))) ولا أعلم من اين اتي هذا المصطلح الذي سيعم علي مصر بالخراب

  20. سينا 10/03/2011 11:10 -

    عشان اي جاهل سوف يلاحظ ان شفيق ظل متمسكا بالسلطة حتى يتم تهريب بعض رموز الفساد اما لاشخاصهم او لاموال مصر و ايضا حتى التخلص من جميع خبايا امن الدولة و لكن شرف قدم استقالته بسبب تقريره الذي قدمه في العبارة سالم التي قتلت 1150 مواطن و اطفال و افاد هذا التقرير ان العبارة لا يمكن تشغيلها و هذا لم يتوافق مع فساد كل النظام و الوزارة فاثر شرف على المحافظة على مبادئه و دينه و قدم استقالته اما شفيق فقد بدات مخالفاته المالية اثناء توليه وزارة الطيران في البزوغ و لم تختفي مستندات فساد امن الدولة الا عندما استقال حيث انه كان الملجاء و الستار الذي يختفي ورائه الفاسدين

  21. مصري و افتخر 10/03/2011 06:12 -

    استاذة مي حليم اذا اردتي الحكم علي شخص يحكم مصر وتتأكدي من نزاهته او غير ذلك فأنظري الي رد فعل عدوك له اقصد انظري الي الاعلام و الصحف الاسرائيلية وهي تتحدث عن عصام شرف سوف تجدين الاجابة علي سؤالك

أضف تعليقاً