كيف تتقدم مصرنا الحبيبه للامام

السلام عليكم ورحة الله وبركاته
احب ان انوه عن شئ وهو عمرك شوفت بلد بتتقدم سمعت ان الفريق القومي بتاعها كسب كاس العالم في لعب الكوره
او ان البلد بتتقدم بزيادة ملاعب الكوره والرياضات المختلفه انا لست ضد الرياضة ولكن اهتمامنا بالرياضة زيادة حبتين ولو اهتممنا بالزراعة مقدار اهتمامنا بالكورة فلن نستورد حبة قمح من الخارج ابدا
عمرك شفت بلد بتتقدم بكثرة انتاجها للافلام والمسلسلات طبعا لا
لو اهتمت البلد بالصناعة وزيادة الانتاج مقدار اهتمامها بانتاج الافلام شوف مصر تبقي ازاي
البلد علشان تتقدم لازم تزود الانتاج الزراعي والصناعي بسواعد شبابها العاطلين
طيب نستغل قوة الشباب ازاي ونجيب لهم فلوس منين وموارد البلد محدوده والزيادة السكانية تلتهم كل تقدم
الحل هو طباعة الورقة السحريه فئة ( ال10 جنية وال20 جنيه وال50 جنيه وال100 جنيه ) ولما لها من تأثير سحري قوي في تحريك القوه البشرية
فعلينا استغلال طاقة الشباب وتخليق فرص عمل حقيقيه لهم والمال موجود
ولو فرضا حبيت اعرض مشروع قومي ضخم لانتاج الاسماك في مصر حد يصدق ان مصر تطل علي البحر الاحمر من الشرق بطول سواحلها
والبحر المتوسط من الشمال بطول سواحلها ونهر النيل يمر من جنوبها لشمالها ونستورد الاسماك من الخارج مش حاجة تكسف والنبي وعندنا شباب
بيتظاهرو ويعتصموا علشان يشتغلوا وعاجزين عن تشغيلهم
المشروع القومي لزياده الانتاج السمكي في مصر هو ان تنشئ الحكومة احواض سمكية بطول شواطئنا الشرقية والشماليه والتي تمر بداخل بلدنا
وتمليكها للشباب علي 10 سنوات وشوف مصر في خلال 6شهور فقط موقعها ايه في انتاج الاسماك علي مستوي العالم
وهذا مثال لباقي المشاريع التي تتولود من هذه الفكره
وربنا يوفقكم الي خير البلاد والسلام عليكم ورحمة الله وبركاته

5 comments
  1. منتصر 03/04/2011 19:39 -

    والله العظيم برافو فكرة ممتازة بس محتاجين الناس اللي تتحرك وتوفر الفرص الحقيقية لجميع المشاريع المشابهه نتمني ان يؤخذ في الاعتبار هذه الافكار الجباره لتسخير وتشغيل الشباب للتقدم للامام
    ولا للعوده الي الوراء

  2. المتوكل 03/04/2011 19:36 -

    والله انا عندي مثال :-
    لو الحكومة طبعت اوراق بنكنوت كثيره وعملت اعلان في الجرائد والتليفزيون ان هناك وظائف خاليه وهي تتمثل في تمليك الشباب احواض سمكية علي طول شواطئنا مع منحهم 10 سنوات مهله لتسديد الثمن علي شرط استلام كامل الكمية من الانتاج ( طبعا هذا يعني ان زيادة الاستثمارت الحكومية واجب وطني لحل مشكلة الشباب للعمل والانتاج )

  3. البلدوزر 24/03/2011 17:01 -

    والله العظيم فكره ممتازه ولو فرضا كسبنا ثقة الشعب في الورقه (النقود) يعني
    مثال لو طبعنا اموال كثيره وبعدين جمعنا الناس العمال المنثوره علي الارصفه وفي ايديهم الشواكيش والعدد وكلفناهم بتكثير أحجار من جبل المقطم وبناء هرم في الاقصر
    النتيجه بعد كام سنه هتلاقي الهرم
    بما ان هذه الورقه لها تأثير قوي فعلينا باستغلاله الاستغلال الامثل وتسخير الزياده السكانيه لخدمة الوطن والتقدم للامام

  4. محمد المصرى 23/03/2011 14:12 -

    ايه رايكم نرفع شعار ابدا بنفسك فكل واحد منا يبدا بمحاسبة نفسه فى كل شئ ونترك القيل والقال وسيرة خلق الله ونرفع شعار حب لاخيك ( العربى ) ماتحبه لنفسك لمدة عام وسنرى النتيجة

  5. لما كل واحد يبقى عنده اللي مكفيه أكل وشرب وسكن وتعليم وصحة ، لما كل واحد يعمل اللي عليه بالكامل ، لما كل واحد يخليه في حاله ، لما يكون فيه رقابة على اللي بيشتغل واللي مابشتغلش ، لما يكون الشغل شغل والعلاقات الشخصية لها مجال تاني ، لما تختفي الرشوة ، لما الواحد يحس بأمان ليه ولعياله ، لما تبقى فيه رحمة بين الناس ، لما نكون إيد واحدة وقلبنا على قلب بعض

أضف تعليقاً