طالب المشاركون في ندوة “تعديل القوانين التي تحكم الأسرة المصرية” التي نظمتها لجنة الحريات بنقابة الصحفيين بإلغاء المجلس القومي للمرأة و محاكمة سوزان ثابت الشهيرة بسوزان مبارك قرينة الرئيس السابق بتهمة إفساد الحياة الاجتماعية.. رصد المشاركون مظاهر الفساد في الحياة الاجتماعية التي تمثلت في وصول عدد حالات الطلاق إلي 4.5 مليون حالة. واستشراء ظاهرة العنوسة التي وصلت إلي 9 ملايين حالة نتيجة لطبيعة قوانين الأحوال الشخصية التي صدرت خلال العشر سنوات الماضية.. طالبوا بإعادة البسمة إلي 7 ملايين طفل حرموا من وفاء الأبوة وقطع الأرحام بفعل قوانين الحضانة والرؤية والولاية التعليمية.. أكد المشاركون في الندوة التي نظمتها لجنة الحريات برئاسة محمد عبدالقدوس أهمية تقديم اقتراح بقانون عاجل للأحوال الشخصية يراعي مصلحة الأسرة والطفل.. شارك في الندوة المستشار عبدالله الباجة رئيس محكمة استئناف الأسرة ود.عزة كريم أستاذة علم الاجتماع ود.محمد الشحات رئيس المجلس الأعلي للشئون الإسلامية ود.سعاد صالح أستاذ الفقه المقارن بجامعة الأزهر.. نظم المشاركون في الندوة وقفة احتجاجية علي سلالم النقابة. طالبوا فيها بمحاكمة سوزان مبارك ورفاقها من مجلس “الهوانم” بتهمة إفساد الحياة الاجتماعية في مصر.
سبحان الله الستات وأمهاتهم بيعملوا زي معالي زايد ونعيمة الصغير أمها في محمود عبد العزيز جوزها في فيلم الشقة من حق الزوجة
وللأسف ما زال العمل مستمرا بهذا القانون حتى لو الزوجة هيا اللي خلعت … وحتى لو خلفت من الزوج مش هنقول عيل واللا عيلة .. لأ . دي لو خلفت برص .. نملة .. كتكوت .. هتقول برضه أنا حاضنة .. أنا أم الكتكوت .. ده أنا بيتهيألي لو حتى حملت وسقطت في الحمل ممكن تطلب تمكينها من الشقة منفردة بحكم إنها كانت شروع في حضانة .. حلوة شروع في حضانة دي
الستات بتتغاظ ليه؟
الستات بتتغاظ لو الراجل اتجوز عليها أو حتى بيفكر.. أو بعد مطلقها . أو بعد ما خلعته .. وبتنتقم منه .. هما كده .. عايزين يا إما نعيش معاهم تحت رحمتهم ونسمع كلامهم وكلام أمهاتم يا إما يخلعونا وياخدوا شققنا والقائمة وعيالنا ويكسعموا مرتباتنا .. عشان نقولهم الحقونا مش عارفين نعيش من غيركم .. أرجوكي اتجوزيني تاني وخللي العصمة فإيدك .. واكتبي عليا شيك بمليون جنيه .. لو عملت أي حاجة غلط احبسيني .. وأنا هغسل هدومي وهعمل أكلي بنفسي .. وهخيط شراباتي .. وهغسل سناني وصوابع رجليا بالمعجون قبل النوم .. وهحط مانيكير .. وهجيب هدية لمامتك بمناسبة عيد ميلادها التسعين اللي بيتكرر 10 مرات في السنة .. وهخرجك انتي والولاد 40 يوم في الشهر .. ومش هتأخر بره البيت .. وهروح السوق أشتريلك الحاجات اللي انتي عايزاها .. وهرمي الزبالة كل يوم .. عايزة ايه تاني .. أرجوكي أرجوكي بليييييييز متحطيش السيخ المحمي في صرصور ودني .. آه ودني
وإذا الزوجة خلعت الزوج وخدت عياله وفلوسه وشقته ومنقولاته
إذا الزوجة خلعت الزوج وخدت عياله وفلوسه وشقته ومنقولاته (اللي ليها أقل من نصفها) والمفروض تردها طالما تعتبر مقدم الصداق..
واللي تجيب لجوزها حكم حبس في قضية تبديد
واللي تتسبب في رفد جوزها من الشغل بعد ما المحامية بتاعتها راحت شغله وشهرت بيه عشان تاخد مفردات مرتبه
واللي تخلع عشان عايزة تاخد الشقة وتطرده منها
ولو اتجوزت عرفي مش هيقدر يثبت عليها حاجة
الخلع استات استعملوه للدلع .. دي لو واحدة جوزها مبيغسلش سنانه بالمعجون تخلعه . لو بيشخر وهو نايم تخلعه .. لو اتأخر لحد الساعة 11 مثلا تخلعه .. ما يا إما يمشي عالعجين ميلخبوطش يا إما نحط السيخ المحمي في صرصور ودنه وكله ببركات ناظلة أم الهانم
اقتراح .. الرؤية تكون في السجن عشان الستات تستريح
إيه رأيكم يا جماعة إن الستات مش هيسكتوا لو اتعمل قانون استضافة .. هيتحايلوا عليه .. ويحبسوا الزوج في قضية تبديد منقولات أو نفقة صغار متراكمة ويعملوها في الكتمان لحد ميستصدروا حكم حبس وياخدوا أمين شرطة ومحضر ينفذ على الزوج في محل عمله أو بيت أبوه اللي قاعد فيه بعد مطردته من الشقة وخدتها عشان حاضنة .. وبعد ميتحبس الزوج من حقها يا عيني متخليهوش يشوف العيال عشان حالتهم النفسية هتتأثر لو شافوا أبوهم بالبدلة الزرقاء والطاقية الزرقاء .. الولد أو البنت يسأل مامته: ماما هو بابا لابس الهدوم دي ليه؟ هيا الموضة دلوقتي البدلة والطاقية الزرقاء؟؟ بابا شيك أوي في الهدوم دي.. لأ يا حبيبي بابا مدفعلكش مصاريف المدرسة الغالية اللي أنا دخلتهالك .. وعمو الظابط قبض عليه عشان هو وحش .. وتيته أم بابا وحشة .. بتاكل العيال الصغيرين زي أمنا الغولة . اوعى تروح عندها أحسن تخطفك فاهم؟؟ فاهم يا ماما .. أنا هسمع كلامك كلامك يا ماما .. أنا ابن مامي ولما أكبر واتجوز إن شاء الله مش هخللي مراتي تعمل معاكي كده ..
لا لحبس الزوج .. لا لتحميله ما لا يطيق من النفقة ..
أدعو لقوانين عادلة .. لا يتم فيها حبس الزوج لأي سبب كان .. ولا تبديد ولا نفقة .. ده مهما كان أبو العيال .. واللا أقولكم . ساعتها مشكلة الرؤية هتنتهي والستات هتنبسط .. لأن الزوج هيتحبس ومش هيقدر ييجي الرؤية.. وإلا بقه العيال يروحوا يزوروه في السجن .. وساعتها الولد أو البنت يسأله مامتها: هو بابا لابس البدلة الزرقاء والطاقية الزرقاء ليه يا ماما؟ ترد ماما الطيبة وتقول عشان مش بيدفعلك مصاريف المدرسة يا حبيبي .. وعشان تيته أم بابا وحشة وبتاكل العيال الصغيرين زي أمنا الغولة .. اوعي تروحي عندها أحسن تخطفك وتاكلك .. خليكي معايا يا حبيبتي انتي راس مالي . انتي اللي خدت بيكي الشقة والنفقة وبقيت حاضنة .. يا حلاوتك يا حاضنة يا متطلقة . آسف قصدي متطلقة خلعا .. أصلها تفرق … حسبي الله ونعم الوكيل
إلغاء قانون الخلع في ظل نظام المهر الصوري وقائمة المنقولات
مهو الخلع لو بيتطبق بالشرع فعلا مكانش بقه فيه ظلم؛ لأن الزوجة لا ترد مقدم الزواج الفعلي. واحنا عارفين كلنا إن مقدم الصداق مش هو الجنيه الواحد المكتوب في القسيمة . إنما المهر الفعلي اللي دفعه الزوج من شقاه وتعبه هو القائمة. والزوجة عارفة كده كويس، فبتروح ترفع خلع ومعاه كمان قضية تبديد منقولات عشان تضمن تخلعه وتاخد المنقولات كمان. ولو حاضنة يبقه هتاخد الشقة اللي برضه تعتبر شقاه عمره. وكمان ترفع نفقة صغار، يبقه كده الراجل زي مبنقول بالمصري اتكسعم. يعني مش هيعرف يعيش طول حياته. وهينتظر الهانم تحن عليه وتقوله تعالى نتجوز تاني عشان خاطر العيال بس لو متعدلتش هحط السيخ المحمي في صرصور ودنك .. آه ودنك
قال تعالى:بسم الله الرحمن الرحيم”ان من ازواجكم واولادكم عدوا لكم فاحذروهم”صدق الله العظيم،فآفة الرئيس السابق هى السيده زوجته