رؤى الثورة من عيون الأسرالمصرية
قبل وأثناء وبعد الثورة
قبل الثورة
أب يخرج من الصبح
يرجع آخر الليل شقيان
تقابله زوجته بطلبات اليوم
يقول
مش وقته هذا الكلام
نفسي وأمنيتي
أحط دماغي على المخدة
وافرد ظهري وأنام
قالت زوجته
أشمعنا أنت تعمل كده
وأنت الوحيد الفقير
وسط الجيران
قال
أنا شغال من الصبح
وأنا راجع تعبان
قالت
كل الناس اخذين حقوقهم
وأنت تتعب أكثر منهم
وأنت البعيد كحيان
قال
نصيبي كده
هذا ما قدر لي الرحمن
قالت
هذا كلام ألفشله
أتحرك واعمل زى فلان وفلان
قال
يعنى أغش الناس
وأخالف ضميري وديني
ونأكل ولدنا حرام
قالت
مشى حالك وافتحها شوية
تشتغل طول النهار
وإحنا نعيش الحرمان
قال
بكرة تتعدل وتتغير الأحوال
الريس مبارك قال اصبروا
قربنا نبقى تمام
قالت
من سعت ما مسك الحكم
وهو يقول كله تمام
إحنا يا جماعة
أحسن من دول كثير
من الجيران
قال
ما نصبر شوية
يمكن قربت هذه الأيام
قالت
أنت تفضل على طول طيب
هو والحوا ليه يأكلوا ويشبعوا
ويضحكوا على إل زيك الغالبان
قال
ارحميني انا بشر
وحالي وحالكم على صعبان
قالت
روح أتخمد
وسيبنى انا
مع الفكر والأحزان
قال
اصبري يعدلها الرحمن
قالت
نام يمكن يتحقق كلام الريس
ولما تقوم تلاقى فول
ويمكن معها طعمية كمان
قال
قولي كلمة حلوة فى حقه
هو عشان هموم الشعب تعبان
قالت
الحجر اشتكى من كلامه
وحفظه خلال وعود 30 عام
قال
السلام عليكم ما فيش فأيده
أنا داخل أنام
كل شعب مصر تعبان
ويعانى من الحرمان
قالت
المرأة مظلومة طول عمرها
إنها المسئولة عن توفير الطعام
بأي شيء مهما كان
أثناء الثورة
قالت
قوم يا راجل مش تصدق
شووف واسمع
ما يسعد إذنك يا حيران
قال
اتركيني أنام شوية
أنا مرهق تعبان
قالت قوم شوف
مصر مقلوبة
عملها رجالة
ما كانت بالصورة
قوم شوف
بالتحرير ثورة الشبان
قال
يانهار يعلم بيه ربنا
أنا خايف عليهم
يضيعوا مستقبلهم
ما يعرفوش جبروت النظام
معندهمش فكرة
عن السجن والسجان
قالت
تعالى نتفرج ونسمع
التليفزيون عند الجيران
قال
ليه تشغلي الناس
اخبطي على التلفزيون بتاعنا
يشتغل ويبقى تمام
قالت
التلفزيون المصري
مش جايب حاجة
كأنهم مسمعوش
أو هم لسه نيام
قناة الجزيرة جايبة
الصورة طبيعية مع الكلام
قال
دى قنوات مغرضة لا تصدقيها
فيها لغط
لأنهم لا يحبوا رئيسنا الهمام
قالت
قوم انكشفت الحقيقة
اسمع حكايات
عن فساد النظام
قال
أنا مالي انا رايح شغلي
محدش ينفعني
لما أبنى ينام جوعان
قالت
ممنوع التجوال
وإحنا مستنين
يذيع الريس بيان
قال
طيب خلاص
ضاع اليوم
وهم المسئولين فين
ما حد صحاهم
هما لسه نيام
قالت
تعالى أتفرج
بص من الشباك
عربات الشرطة
تخبط وتقتل الناس
لا اله الا الله
الشرطة تطلق النيران
قال
بس خلاص
الحكومة أتسعرت
وتلحس عقلها
بقت العملية
جنان في جنان
قالت
الله يحرق قلبهم
اللهم انتقم منهم
واحرق قلبهم على عيالهم
زنيهم أيه هؤلاء الشبان
أنهم حبوا بلادهم
وصعب عليهم وضعها وحالهم
وقال أحرر الناس خوفهم
رجالة يحميهم الرحمن
قال
أنتي مش عارفة حاجة
أتباع النظام دول مرتزقة
معندهمش ضمير
ممكن يولعوا فى البلد
ويدمروا شعب مصر المسكين
استرها يا رب
دول أصلهم جوعان
ومهما سرقوا
ما قال الواحد منهم انا شبعان
قالت
خلاص الناس بتزيد
الشباب يحطم عربيات الشرطة
يضربوا بأيد من حديد
أتجننوا لما شافوا ألف وألف شهيد
لأنهم يقولوا سلمية من أول ثوان
إحنا ليس معنا شيء
ولا حتى عصى أغصان
قال
بعدين بقى
هو صاحب الضربة الجوية فين
هو فاكر إسرائيل خطفت طيارة
يستخبة ويشجب بعدها ببيان
دول نار تجرى بعروق هؤلاء الشبان
قالت
سمعت أخر خبر
سمعت أنهم فتحوا السجون
ليقتلوا الشعب وينشروا الرعب
بين الناس وحرقوا الأقسام
قال يا رب استرها
يضيع الشبان والشعب مش ناقص
سنين وهو يعانى الحرمان
قالت
الاهالى بتجمع بعضها
عشان يقفوا ويحرسوا النساء
والأطفال والبيوت
هيا اخرج معهم
وقف علشان يخاف كل مسجون هربان
قال
حاضر هو الرئيس لسه يتفرج زينا
ولا لسه يسال الأمريكان
ومرت ليالي وليالي على الشعب
ينتظر البيان
وأخيرا خرج وقال كلام تعبان
قالت
الشباب مصمم
انه لازم يمشى ويبعد عن الحكم
لأنه خلاص ضيع البلد
وخلاها فى خبر كان
قال
يروح فين هذا صعب ليس سهل
أن لا يكون من الحكام
قالت
رجالة الشباب
الرئيس تنحى وغادر
والجيش استلم الحكم
ورجال الجيش شجعان
قال
الحمد لله خلصت
على خير وسلام
قالت
لسه بدري
وتشوف باقي الأيام
بعد الثورة
قال
عارفه أنا قرفان
أد كده كنا مخدوعين
أصبت بالإحباط بجد أنا زاهقان
قالت
علشان تعرف
انك كنت تشتغل زى الطاحونة
وغيرك يا اخذ حقك ويغتني
والرئيس يقول اصبر شوية كمان
قال
تخيلي سمعت ان طبال
بقى مليونير
ويتحكم فى سوق العقار
يتحكم بمصر
فى أسعار ألمبان
قالت
ولا الست الأمية
التي ليس معاها غير ابتدائية
تبقى وزيرة آه يا زمان
قال
أية كم الفساد دة
كل دة والواحد مش دريان
قالت سمعت رئيسك حبيبك
معاه كآم
قال
وكمان وزير السياحة
ووزير الإسكان
قالت
ولسه كل يوم تنكشف الأرقام
قال
وانا أخاف
واذهب قبل ميعاد عملي
وأخاف ليخصموا منى
وارفض كوب شاي وأقول حرام
قالت
ولسه بكرة تكشف الأيام
قال
والله الذي يجرى بمصر حرام
قالت
طول عمرها شعبها تعبان
قال
احتلال متتابع
وقلنا أتحررنا
نحتل من أولادها كمان
قالت
دول مش مصريين
دول ولدا حرام
قال
يا رب
ارحم شعب مصر الغلبان
يحارب أعدائه من الخارج
ولا من الفاسدين من النظام
قالت
خلاص أتحررنا من الخوف
وبقيت احصل على حقي
من العيش من الأفران
قال
إحنا السبب
ان سكتنا وصدقنا كذبهم
كان لازم نسال ونعرف الأرقام
قالت وقلت
فليحيا هؤلاء الشبان
صنعوا ما لن يستطيع صنعه الأمريكان
من غير سلاح
وقفوا وقفت شجعان
لن ننساهم مهما مر الزمان
شهدائهم يكونوا
بقلوب المصريين على مر الزمان
عبق رحيق دمائهم
ترعب كل حاكم ظالم
فى نهب الشعب طمعان
وللحديث بقية لرحلة الأحلام