اجازة عيد الاضحى 2011

اعتبارا من يوم السبت القادم الموافق 5 نوفمبر  في يوم عرفات – سوف تبدأ اجازة عيد الاضحى 2011 للعاملين بالقطاع العام فقط في مصر وكذلك تمنح اجازة للطلبة بالمدارس و الجامعات بمناسبة عيد الاضحى 2011 وتستمر الى نهاية الاسبوع وهذا بالنسبة للطلاب لكن للعاملين بالقطاع الخاص  سوف يعودون الى العمل بداية من رابع ايام عيد الاضحى 2011 الموافق يوم الاربعاء من الاسبوع القادم وتعتبر اجازتهم فقط لـعيد الاضحى 2011 ثلاثة ايام مدفوعة الاجر وكذلك بينما يعود موظفي الحكومة الى العمل  يوم الخميس ..

 

وتحاول الاجهزة الحكومية حاليا سد العجز والنقص وحل ازمة انابيب البوتاجاز والسولار التي التي اشتعلت ببعض المحافظات ..

30 comments
  1. كوكو 10/11/2011 00:01 -

    يعنى لما حنرجع يوم الخميس حيحصل ايه ايه الافاده ممفيش حد حيروح المدارس ليه مخلهاش نرجع على بدايه الاسبوع مثل العام الماضى وده تخطيط غلط صح

  2. موظف قطاع خاص 08/11/2011 23:19 -

    هو اللي بيشتغلو في الحكومة مصريين واحنا مش مصريين

  3. محمد الغربيه 08/11/2011 22:28 -

    حـــــــــــــــــــــــــــــرام اجازه ثلاث ايام بجد احنا بنتعب جامد والله العظيم مابنصدق يوم نستريح فيه وحسبي الله ونعم الوكيل في وزير القوه العامله

  4. ارمنت الحيط 08/11/2011 19:26 -

    مش عارف اليوم ده وقف فى زور الوزير ولا ايه كان كمل الأسبوع ويبدأ العمل يوم السبت الموافق 12/11/2011

  5. فريدال 07/11/2011 05:26 -

    فريدال دى شركه خاصه تاخذ من القانون ما يحلو لها وتترك ما عليها ومنها تاخذ قرار اجازه عيد الاضحى 3 ايام وبالقانون وتترك ما عليها مثل العلاوه السنويه والحوافز الشهريه ومن يتكلم مع السلامه يا حبيبى العنوان 1/اكتوبر بجوار خلف جهينه 2/ بنى سويف عزبه زعزوع الواسطى طب عارفين ليه بيعمل كده ليه لانه بيسقى موظفى الحكومه شاى بالياسمين منهم مكتب العمل والتامينات الاجتماعيه وكمان الحجر الزراعى صاحب المصنع اسمه طارق فؤاد ابو بكروعنى معلوماتاكتر لو عايزين عن نشاط المصنع الفاسد

  6. مصرية 05/11/2011 07:43 -

    النهاردة وقفة عرفات وفى قطاع خاص شغال كلمة واحدة وياااااارب تكون ابواب السماء مفتوحة يااااااااااااااااااارب حسبى الله ونعم الوكيل فيك ياوزير القوى العاملة حسبى الله ونعم الوكيل ولا اله الا الله

  7. هية رنة كفر الدوار 04/11/2011 03:34 -

    الوزير يقول زى ما هوا عايز وعلى الشعب اتخاز القرار الشعب كلة مش هيروح الشغل يوم الثلاثاء
    وكدة كدة ان شاء الله هيتحسب برضاهم او عدم رضاهم احنا فى ثورة يا مسئولين افهموا بقا متتعبوناش وللا ننزل التحرير تانى دى هيةرنة

  8. اليابان 03/11/2011 17:46 -

    يحيا عمال اليابان لانهم يحبون العمل ويكرهون الاجازات

  9. ارفان 03/11/2011 12:05 -

    دول مش نافع معاهم غير مليونيه يوم الجمعه القادمه انشاء الله نزلين علشان ناخد اجازه العيد الكبير افهمى ياحكومه انت مبتجوش غير بالاعتصامات فعلا حكومه فلول ايه لسه فيه برده رقابه على الصحافه مش عايزين تظهرو التعليق فعلا تم الان تحقيق مطالب الثوره ( ظلم + قهر +كبت حريات )هى ده مطالب الثوره الله ………………… منكم حسبى الله ونعمه الوكيل الابيشتغل وطالع ……… زى الا قعدين فى المكاتب الحكوميه بيقشرو بصل حسبى الله ونعمه الوكيل دول يخدو اجازه كامله واحنا ننزل من بيوتنا بعد يومين ربنا ينقم منكم بلد حالها عمره ماراح يتصلح ؟؟؟؟؟؟؟؟؟؟؟؟؟؟؟ظ

  10. ارفان 03/11/2011 11:40 -

    شريف لطفى بيقول لا ارجمونا ياحكومه حسبى الله ونعمه الوكيل

  11. ارفان 03/11/2011 11:38 -

    يعنى ايه انتم مش بتفهمو يعنى ايه عيد ولا ايه هى ده الدوله المدنيه ولا ايه حرام عليكم وانشاء الله عيد القيامه يكون 3 ايام علشان الوحده الوطنيه حكومه فعلا ايه كلام

  12. مصرى من الشعب 03/11/2011 10:56 -

    اللى بيشتم فى الثورة وفى الشعب هى الثورة اللى بتحكم؟ ولا الشعب له حكم ؟ ماهى متكوسه زى ماهى معالنظام القديم اشتكموا فى الحكومة المهلهلة ولا اللى عايزينها خرابه
    مصرى من الشعب

  13. برعي 03/11/2011 00:39 -

    حكومة مش فاهمة اي حاجة وهي عمالة تقرفنا وخلاص حتي الأجازة مش عارفين ياخذوا فيها قرار يريحو الشعب التعبان علي طول. امتي هيسعدو هذا الشعب المظلوم دائما .
    حسبنا الله ونعم الوكيـــل

  14. اتقووووو ربنا 02/11/2011 21:42 -

    يعني اي 4 رابع يوم العيد انا مش من حقي اقضي مع اولادي اجازتنا باصين حتى ف الاجازة انتو ايه عمركم ماهتتغيرو ابدا كدة شعب ….. استغفر الله العيظم حسبي الله ونعم الوكيل

  15. اسكندرانى وعلى القلق ناوى 02/11/2011 20:40 -

    حـــــــــرام حسبى الله ونعمه الوكيل فيكم الله يبارك فى امثالكم والبلد محتاجه لحرميه جدد

  16. ده قرف 02/11/2011 19:07 -

    يعني كوكاكولا زيرو يعني القطاع العام إل مابيشتغلش يأخد ٥ ايام وال طالع عين أهله ياخد ٣ أيام 

  17. غلبان 02/11/2011 13:46 -

    حد يقولى مين بياخد حقه فى الدوله دى وانا اروح اشكيله يمكن يعرف يجبهولى (مرتب تعبان-حقوق ضايعه-حتى الاجازة كمان)فاضل ايه علشان اخبيه بسرعه قبل مايحرمونى منه مبقاش فى امان ولا احترام فى الدوله دى يلا نهاجر ونسيبوهالهم يلفوا ويدورا على شعب غلبان غيرنا وصدقونى مش هيلاقوا غلبان غلبان غلبان

  18. الباجورى 02/11/2011 13:10 -

    فين أيامك يا عشة ياعبد الهادى أينعم كنتى من فلول النظام بس كنتى مروقنه وعمله مساوه أنا بطالب بأقالة وزير القوه العاملة د/ أحمد حسن البرعى لانه مش تمام وغير عادل فى قراراته حسبى الله ونعم الوكيل فيكى ياوزرة د / عصام شرف أنا بناشد المجلس العسكرى التدخل الفورى لان كده فى تفرقه عنصريه بين القطاع العام والقطاع الخاص وأنا كند عرف اتعين فى القطاع العام ومتعينتش هى دى الثوره ياريت ماكنت قامت الثوره

  19. بوسى 02/11/2011 10:08 -

    حسبى الله ونعم الوكيل الشباب كلهم شغالين قطاع خاص ده اللى بيشتغل يعنى هى ناقصة ماصة دم اكتر من كدة مش كفاية المواعيد والطحن فى الشغل واجازتنا اللى ولا بنخدها ولا بنخد بدالها

  20. مفروس 02/11/2011 09:26 -

    لصالح مين ان الاجازة تبقى يومين وفى الغالب معظم الناس اجازة السبت لصالح رجال الاعمال والناس المرتاحة طبعا اما اللى مستنى يوم يريح فيه دايما تيجو عليه وطبعا لو عايز يكمل الاجازة يكون بالخصم دايما تيجو على الغلبان

  21. لولا 01/11/2011 22:43 -

    بجد دا حرام يعني اجازة عيد بدل ارع ايام تخلوها يومين هو دا اللي عملته الثورة والله دا حرام

  22. طالب العدل 01/11/2011 20:33 -

    لابد من العدل والمساواة، والعدل يقتضي أن يكون العيد كل أيامه أجازه لإنه عيد بأمر إلهي، والمساواة في ذلك بين القطاعين الخاص والعام والحكومي. كما أطالب باعتبار يوم الخميس أجازة أيضاً ونقفل الأسبوع علشان اللي عايز يسافر يسافر وينبسط بالعيد تمام التمام مجتش على اليوم ده، علماً بأن كل الموظفين تقريباً هيخدوه أجازة.

  23. مصرى بالقطاع الخاص 01/11/2011 18:40 -

    مستنى الاجازة بتاعت العيد والاخر تبقى ثلاث ايام سلام يا صحبى

  24. رانيا 01/11/2011 15:27 -

    ليه يعنى والله حراااام انا بشتغل فى قطاع خاص و مينفعنيش الكلام دة ازاى اجازة عيد فطر اصلا تبقى اكتر من جازة عيد الاضحى دة وزير اى كلام

  25. والله العظيم حرام مفيش عدل فى البلد دى ليوم الدين علشان اجازة عيد الاضحى معروفة طول السنين السابقة 4ايام غير يوم وقفة عرفات

  26. مصرى 01/11/2011 08:11 -

    اجازة عيد الفطر اربع ايام واعيد الاضحى يومان هو ده عدل ________ وزير من الفلول يا برعى

أضف تعليقاً