وفاة بلال السلفي تشعل الوضع في الاسكندرية من جديد

فجأة اشتعل الوضع في الاسكندرية مرة اخرى واصبحت الاسكندرية مثل القنبلة المؤقوتة بعد ان تقدمت اسرة احد الشباب من السلفيين بالاسكندرية وهو السيد بلال 31 سنه ببلاغ الى النيابه تتهم فيه رجال الامن بالتسبب في وفاة ابنهم من اثر التعذيب على خلفية احداث الكنيسة وقد ويعتبر السيد يلال من الشخصيات السلفية المعروفه وقد شارك في العديد من الوقفات الاحتجاجية ضد احتجاز كاميليا شحاتة زوجة كاهن دير مواس بالكنيسة وعلى اثر ذلك قامت نيابة غرب الاسكندرية بفتح ملف التحقيقات لمعرفة اسباب وفاة السيد بلال وقد قام محامي نيابات غرب الاسكندرية باستدعاء مسئولي مركز زقيلح الطبي بمنطقة اللبان لمعرفة الحالة التي كان عليها بلال عندما حضر واوصاف الشخصين الذي احضروه دون ان يتركوا بياناته بعد ان ثبت للنيابه اثناء مناظرة الجثة وجود كدمات وسحجات في انحاء متفرقه من جسمه وطلب المحامي العام باستعجال تقرير الطب الشرعي والصفة التشريحيه لبيان الاصابات واسباب الوفاة واستمعت النيابة الى اقوال شقيق السيد بلال الذي قال ان احد اصدقاء بلال اخبره بنقل شقيقه الى احد المستشفيات وذلك بعد احتجازة عدة ايام على خلفية حادث كنيسة القديسين وقامت النيابة باستدعاء هذا الصديق لسماع اقواله ومن ناحية اخرى شهد منزل بلال في منطقة الظاهرية اجراءات امنيه مشددة ومنعهم من التحدث مع وسائل الاعلام وذلك في محاولة للتنازل عن البلاغ الذي تم تقديمة للنيابة واصبح الوضع شديد الخطورة بعد وفاة السيد بلال خاصتن بعد تبني جماعة الاخوان المسلمين للموضوع وكذلك المنظمة المصرية لحقوق الانسان التي طالبة بسرعة القاء القبض على المتورطين وتقديمهم للمحاكمة وقال حافظ ابو سعدة رئيس المنظمة ان هناك شكوك قوية ان الوفاة من اثر التعذيب

18 comments
  1. عاشق مصر 14/02/2011 21:17 -

    رأيي استقرارالحالةالسياسية بمصر هو السبيل الوحيد الذي يؤثر تأثير ايجابي على الحاله الاقتصادية على المجتمع المصرى الكادح ، عندما نجد من ابناء الوطن المخلصين الذين عانو من معوقات فى طريق طموحاتهم لخدمة وتطور البلد من خلال الشباب المتعلم الذي يحتاج الى فرصة ليبرهن انه بأستطاعته ان يصنع المعجزه كما نراهم عندما يعملون الخارجوذلك لتوفر الفرصة الناسبة له مع العم المادي والمعنوي .
    ومن هذا المنطلق عندما المواطن يجد الوظيفة المناسبة التى توائم تحصيلة العلمى ومنه سيؤثر على وضعه المادى والاجتماعي وهنا نستطيع ان نقول لا نحتاح الى الكم الهائل من افراد الداخلية لحماية المواطنين لوجود الامان نتيجة الاستقرار الاقتصادي والمادي لدى المواطن ولا يحتاج ان يتكالب للحصول على حقوقه بالقوة او البلطجة .

  2. مسلم صحيح .... بس عنده ضمير .. ومش درويش 27/01/2011 00:08 -

    إلى المدعو بكر الذى لا تتشرف مصر بأن يكون لقبه ينتمى إلى إسمها :
    اقول لك ايها الجاهل يا من عاب الجهل نفسه عليك وجعلك سبة فى نفسه .. أيها الصفيق يا من لا يعرف الأدب إليك طريق .. يا ايها الموتور عقليا .. يا من كلماتك تدل على أنك قد أصبحت على بعد أمتارا من مستشفى الأمراض النفسية يالعباسية .. أن خراب عقلك المتأثر بالسلفيين المتخصصين فى إرتكاب أكبر جرائمهم وهى دس الفتن بين ربوع الوطن تحت زعم الدين .. ولا تجنى عليهم , فنتائجهم واضحة وكانت آخرها جريمة كنيسة القديسسن بالأسكندرية ..
    اقول لك وما أحتسبك سوى مخمور قد فقد عقله لربما يعود إلى صوابه ويعتذر ..
    إننى قد قرأت ما كتبته أيدى المخابيل السابقين من أمثالك ضدى .. ولم اعر لسفاهتهم أى إهتمام .. إنما حين يصل الأمر إلى أن تقول أننى بستهزىء بحديث النبي صلى الله عليه و سلم .. وتتسافل بوصفى بالصفاقة وقلة الأدب ثم قولت لا ده لا يمكن يحصلي سبحان الله هل لو اراد الله بك ان يحصل لك نفس ما حصل للشهيد السيد بلال هل في شيء هايمنع مشيئة ربنا؟ ) ثم تصل قلة تربيتك إلى أن تقول ( و الله اشك في كونك مسلم ) .. لذا فقد كان على أرد على وقاحتك واقول لك من الأخر إلى الاول .. والله أنا الذى اشك أنك بنى آدم ولك عقل .. ووالله أدعو الله أن يأخذك أخذ عزيز مقتدر .. وأن يخلصنا من أمثالك الذين يدعون الأسلام زعما بالقول لا بالفعل .. والذين تسببوا بسفالتهم وبذائتهم لكل أمة المسلمين بالكراهية من كل شعوب العالم وإتهامهم للمسلمين بالغباء والتخلف .. وهذه فعلا حقيقة لأن أمثالك موجودين بينهم ..
    أما أنا فلست قليل الأدب مثلك لأن العيب ليس عليك وانما على اللى ما عرفوا لا يربوك ولا يعلموك كيف تتحدث إلى اسيادك المحترمين يا وغد ..
    أما ما لايعجبك فى كلامى فأنا اكرره مرة أخرى وبتحدى حتى يخرق عينيك وعين أمثالك من المتخلفين عقليا .. وربما يخرق أذنك حتى تفيق من وهمك الذى تدعيه بأنك مسلم والإسلام منك برىء .. اقولها مرة أخرى :
    لن يحدث لى ما حدث للمتهم فى أحداث الكنيسة السلفى بلال لأنى راجل محترم .. ولا ولم أذهب لأقسام ابدا ولله الحمد .. وبكررها تانى أهه .. مش هايحصل لأنى راجل محترم واعرف قدرى جيدا .. أما أمثالك واضح من اسلوبك أن لديك عقدة نفسية شرطية .. أو عقدة حقد على رجال الشرطة , فتدافع عن كل طرف مجرم ضد رجال الشرطة ..
    ربما انت فقط الذى يمكن ان يحدث أن تصفع على قفاك ولا على وجهك فى الشرطة لأنك من نفس النوعية المنحطة التى تستحق السحق والركل بالأقدام كما نرى فى المظاهرات حاليا ..
    اما كونك تحول كلامى إلى شكل دينى وتتخيل بعقلك المعتوه بأنى أتحدى ربنا وكأنك تثير فتنة بينى وبين الله ولا حول ولا قوة إلا بالله .. فهذا من وفرة غبائك الفكرى .. وتاثرا بحياة الدروشة التى تحياها بإسم الدين .. والدين الأسلامى ليس دين تخلف إلا حين يتحدث بإسمه أمثالك .. لعنة الله عليك وعلى كل اللى أثروا فيك من القنوات الدينية المتخلفة يا متخلف ..
    أما غبائك فقد أوقعك فى خطاء فادح .. ليس أمامك بالتبراء منه سوى يا إما بالأعتراف أنك شخصا معتوها .. وإما أنك منافق كبير ..
    فتارة إتهمتنى بالإستهزاء بحديث النبي صلى الله عليه و سلم .. وتارة تتهمنى بالجهل على نفس الجملة التى كتبتها وهى وأكررها مرة أخرى تحديا للأغبياء أمثالك :
    قل محضصة بضعه وقل بضعة دلالاه وقل دلالاة فى النااااااااااااااااااااااااااااااااااااااااااااااار .. وعلى عينك يا غبى ..
    أهه ؟ شفتها ؟ ولا أعيدها تانى ؟
    يا أيها المخبول أنت ومن يايدوك من امثالك من اصحاب فكرك المتهاوى وأنا أعرف أنهم اليوم أصبحوا كثيرون جدا ..
    أنا لا أستهزىء بحديث النبي صلى الله عليه و سلم .. بل أستهزىء فعلا بأمثالك الذين حشروا الدين كله قرآن وحديث فى كل شىء .
    حشروا الدين مع الختان .. وحشروه مع نقل الأعضاء .. وشربونا بول البعير .. ورضعونا الحليب من صدور النساء المسلمات الأجنبيات .. ووركبوا صوت على فيلم وقالوا البقره والأسد بيقولوا الله .. وعملوا صور مسخ بالفوتوشوب وقالوا ده اسخطه الله عشان مش عارف ما صلاش فى المسجد , والميه المقروء عليها قرآن بتتحول لزجاج من الكريستال واللى بيتقال لها كلام وحش لونها بيسود وبيبقى طعمها وحش , وعملوا تسجيلات بالميديا وقالوا ده صوت معذبين تحت الأرض … وده كذا , وده عمل وسوى , وغيره وغيره .. الله يخربيتك وبيتهم يا متخلفين ياللى هزأتوا المسلمين وكسفتونا أدام خلق الله ..
    يا أخى وأنا برىء من أخوتك لأنك بلا عقل شوف ردودك كلها بتدل على رأيى فيك إزاى ..
    وطبعا مش أنت لوحدك بل انتوا كتير بالملايين عشان كده ما أنتصرناش على اسرائيل ولا أتقدمناش فى أى شىء واحتلتنا امريكا فى معظم بلاد المسلمين ..
    روح يا شيخ ربنا يخلصنا من أمثالك خللى المسلمين يتطهروا من أمثالك ويتقدموا شويه , دنتا فعلا باين عليك مخلوق غير طبيعى !

  3. بكر المصري 22/01/2011 14:21 -

    الاخ اللي مسمي نفسه مسلم بس عنده ضمير…لا باين الضمير اوي عليك و الدليل على كده بتستهزىء بحديث النبي صلى الله عليه و سلم”كل محدثة بدعة و كل بدعة ضلالة و كل ضلالة في النار”صدق رسول الله صلى الله عليه و سلم..مش كده و بس بتتهم الناس بالجهل و انت ابو جهل نفسه اسمها كل محدثة بدعة و ليست كل محضصة بدعة يا جاهل .. وكما دعى عليك احد الاخوة و قال ربنا يوريك في نفسك او في احد من اهلك ما حدث لبلال و انت بمنتهى الصفاقة و قلة الادب قولت لا ده لا يمكن يحصلي سبحان الله هل لو اراد الله بك ان يحصل لك نفس ما حصل للشهيد السيد بلال هل في شيء هايمنع مشيئة ربنا؟؟؟و الله اشك في كونك مسلم..يا جماعة فيه ناس بتخش هنا و قد يكونوا يهود و يتحدثون العربية العامية فخللوا بالكم..الله يخرب بيت النت اللي خلى امثالك يتكلموا و يهذوا

  4. وتوبو الى الله جميعا 18/01/2011 10:09 -

    اللهم طهر قلوبنا من النفاق واعمالنا من الرياء وانفسنا من الشح
    اتقى الله يا (مسلم بس عنده ضمير )وبعدين ممكن المسلم معندوش ضمير لكن المؤمن لازم يكون عنده ضمير

  5. ابنالدلتا 17/01/2011 20:19 -

    الى الأخ ( المسلم اللي عنده ضمير ) صاحب هذا الرد :

    مش عارف ما المقصود بالسلفى؟
    هل إسمه أو نأبه سلفى أى إسم العائلة سلفى ؟
    أم “”””
    أنه داعيه أو خطيب مسجد منسوب إلى السلفيين الغجر .
    إذا كانت الثانية فاليذهب فالله لا يسامحه وعقبال الباقيين لأن كل هؤلاء وعلى رأسهم الأخوان المسلمين والجماعات الأسلاميه هم سبب الفتنة التى بدأت تمتد لها جذور فى أرض مصر الطاهرة .
    أما لو كانت الحالة الأولى فالله يرحمه رحمة واسعة وغفر لرجال الأمن الذين يريدون الوصول للحقيقة , وبلاها منظمة حقوق الأنسان بلا كلام فارغ .

    هو اللي عنده ضمير او مسلم يقول الكلام ده برضه!!! يااخي كلنا نتفق على تجريم ماحدث ولكن في نفس الوقت يجب الا نظلم احد اتقوا الله ولتقولوا خيرا او تصمتون .

  6. لا حول ولا قوة الا بالله 17/01/2011 14:48 -

    اولا يا اخى (مسلم صحيح……بس عنده ضمير) هل سمعت احدا من السلف حرض على قتل غير المسلمين الذين يعيشون بيننا؟
    بل انظر لمواقف الشيوخ وتعقيبهم على ما حدث بالاسكندرية وستعرف من هم السلف
    السلفيون يعيشون فى المجتمع المصرى منذ زمن فهل حدث منهم شىء طوال هذه المدة بل بالعكس اذا نظرت لتاريخ مصر الحديث ستجد انه كلما زاد نشاط الدعوة السلفية كلما انحسر النشاط الارهابى
    ومن قال لك ان الفاعل ينتمى للاسلام فهل الاقباط متحدون فيما بينهم؟؟

  7. مسلم صحيح .... بس عنده ضمير 16/01/2011 19:54 -

    البيه اللى اسمه عبد المطلب :
    أنا ما حطيتش قفل على بقك بدليل إنك بتتكلم أهه , يبقى ليه بتتهمنى بأنى بحجر رأى الأخرين . يا أخى دا ربنا حرم الظلم على نفسه وإنت عامل نفسك أعلى من ربنا !!!!!!!!!!!
    أما الأخ إللى كاتب بيدعى عليا وبيقول لى ( يا اخي ان شاء الله يحصل فيك او فيمن يخصك ) , أنا بقولك موت بغيظك , لأن عمر دعوتك ما هتستجيب ولا هيحصل معايا حاجه من اللى انت بتتمناها , لأن اللى بيروح الأقسام دول عالم مهزأه وتستحق اللى يجرالها . إنما انا راجل محترم وأعتقد إنك ما تعرفش يعنى إيه معنى الأحترام . وحسبى الله ونعم الوكيل فيك .

    أما الأخ ابو مسك :
    يا ليتك لا تتهم الناس بما هو فيك أصلا , لأن السلفين دول اللى انت بتحامى ليهم ولا انت فاهم عنهم أى حاجه , دول سبب بلاء الأمة وكوارثها وتخلفها !!! هههههههههه
    قل محضصة بضعه وقل بضعة دلاله وقل دلالاة فى النار .
    دا اللى امثالك فالحين فيه .

    أما الغاضبة فليس أمامك سوى البحر الأبيض أو البحر الأحمر طالما ضاق أفقك الفارغ من أى علم إلى هذا الحد , وكل كلامك ليس صحيحا فى شىء ولا يعدو قبس من الدروشة .
    واخيرا ..
    الشرطة المصرية أعظم شرطه فى العالم وستواصل الضرب من حديد على قفا الهمج الذين ملأوا الدنيا صياحا بالبذاءات متسترين تحت عباءة الدين . ولا يكره الشرطه المصرية سوى كل همجى على راسه بطحه !
    يعيش قانون الطوارىء حتى يطهرنا من المجرمين ويسقط التخلف المستتر وراء الدين .
    شكرا لأسرة الموقع التى عرفتنى حقيقة عقلية وضمير أناس من البشر يقول لهم الجهل يا جهله !

  8. الغاضبة 14/01/2011 21:58 -

    الى مسلم ليس لة ضمير حسبنا اللة ونعم الوكيل هوانت حتحاسب الناس على الرزق هزا فضل اللة يؤتيةمن يشاء ولو كنت مسلم مكنتش تغتاب مسلم متبع سنة سيدك وتاج راسك اما السلف فهم من تبع سنة رسولك وسيدك بعد الصحابة وبكرة تعرف يوم الموقف العظيم ان تحوم العلماء مسمومة على من خاض فيها

  9. أبو مسك 14/01/2011 21:48 -

    إلى الجاهل اللي عنده ضمير و لما أنت ماتعرفش يعني ايه سلفي بتدعي ليه عليه و لا على غيره دا إنسان مسلم اللي مان و بدون ما حد يثبت عليه تهمة و النبي صلي الله عليه و سلم بيقول لزوال الدنيا أهون عند الله من قتل إمرأمسلم يا ريت تكون فعلا مسلم و عندك ضمير في تعليقاتك

  10. الي مسلم عنده ضمير 12/01/2011 23:09 -

    يا اخي ان شاء الله يحصل فيك او فيمن يخصك الظلم البين الذي وقع علي بلال وعائلته ونشوف يعدها كيف تدافع عن الظلمة ؟؟؟؟؟؟

  11. عبدالمجيد 12/01/2011 12:06 -

    انا مسلم ولا أرضى ماصار في تفجير الاسكندرية
    ولكن بجد ؟؟؟؟؟؟؟؟؟؟؟؟؟؟؟
    المسيحيين مسخوها وبتكلموا على الاسلام ويشتمون المسلمين
    إلي ورا التفجير اسرااااااااااائيل ***

    أفهموا بقى

  12. عبد المطلب المصرى 12/01/2011 11:35 -

    الاخ المدافع الى مرارته اتفقعت هون عليك فقع مرارتك واترك كل واحد يقول رايه ع الاقل بينفث عن الى جواه ما يبقاش غم ىوقله مم

  13. مسلم صحيح .... بس عنده ضمير 11/01/2011 06:16 -

    يا جماعه ربنا يكرمكم وسامحكم الله على ما وجه الى من كلام .
    أنا لست دمويا حتى أتمنى لأى إنسان إن يلحق به أذى أوتعذيب حتى الموت .
    لكن لما يكون لى عدو وخطر على وعلى أولادى وعلى بلدى , يبقى لازم أقاومه حتى ولو بالموت .
    إحنا النهاره فى خلال التلاتين سنه اللى فاتوا دول تحديدا بقى فى وسطنا ناس أخطر من العدو اللى الحدود .
    ناس خطر بأفكارهم الهرمة والخرفة والمتخلفة .
    نحن فى هذه الأيام نسمع أفكارا غريبة الشكل دخيلة على الدين .
    شوفوا : ما تحاولوش تبرروا أى شىء لأن إنتوا اللى لسه ما بتبذلوش جهد فى التفكير .
    السلفيين دول فعلا شتتوا عقول المسلمين على الأقل فى مصر , وكل يوم الناس بتشتكى من تضارب فتواهم الذى يوقع المسلمين فى حيره .
    فأنا لما إتكلمت عن السلفيين ما أتكلمتش بهدف إتهامه بأنه هو اللى بيفجر نفسه . وممكن لم يحرض على ذلك , لكن تركيبة فكره .. ممكن تومىء بذلك دون أن يقصد , وحين لا يقصد فهذا هو الجهل بعينه .
    النهارده كل واحد قرا كلمتين يلبس ترحه ويربى دقنه ويلبس جلابيه بيضه وتحتها بنطلون ويفتح له قناه فضائية ولا يعتلى منبر فى مسجد ولا يعمله موقع ولا منتدى على النت , أوم يفرض نفسه علينا بأنه داعيه , وإن هو اللى بيقول الصح , وخلاص نسينا المصدر الرئيسى والمسئول الأول عن التشريع الأسلامى وهو الأزهر .
    ما فكرتوش ده جاب الفلوس اللى فتح بيها قناه دى منين ؟ ولا كل من على راسه ترحه بقى على راسه ريشه ؟
    ثم تعالوا بقى نتسائل بعقل راجح لا بغباء فاقع .
    هو كل ما تحصل مصيبه فى البلد وفى تحقيقاتها البوليسية ويحصل ضحيه , نفضل نجيب من الطين والهباب والزفت والأقطران ونحطه على دماغ وزير الداخليه والداخليه والضباط والمخبرين وهلما جر؟؟؟؟؟؟؟؟؟؟؟
    ليه إن شاء الله ؟
    هو إنتوا بتفهموا إيه فى الأمن ؟
    يعنى ممكن آجى أنا وأتدخل فى تخصصك ولا شغلتك وأفرض رأئبى عليك على إنك غلطان ومش فاهم فى شغلك ؟ أمال ده إتخرج من كلية الشرطه ليه ؟
    وده اتخرج من الحقوق ليه ؟
    وده اشتغلى فى النيابة ليه ؟ وده قاضى ولا مستشار ليه ؟
    عشان حضرتك تعدل عليهم وتلوم وتهاجم وتشتم وانت مش فاهم حاجه فى أى حاجه ؟
    يا ناس دا البوليس المصرى كان بياخد …… مش فاكر لا تحضرنى الذاكرة الآن …… لكن بياخد ترتيب متقدم جدا من ضمن الدول المتقدمة فى العالم لكفائته !
    شوفوا مين بقى إللى خلاه بيتراجع ؟
    اللى خلاه بيتراجع هو انتوا …. وواله العظيم انتوا اللى هتدفعوا التمن غالى جدا وقريب جدا يوم لا ينفع الندم .
    لما تشوفوا كده الأمور فرطت من ايده بسبب تدخلاتكم وبقت مصر زى العراق كل يوم انفجار وكل ساعه مدبحه .
    سيبوا الناس تشتغل وتشوف شغلها بقى ارحموهم خليهم يضبطوا الأمن شويه .
    الله هى البلد ناقصه بطاله ؟ ………. مش كفايه انتوا عطلانين عايزين الشرطه كمان تبقى بطاله هى التانيه .
    بقول لكم إيه :
    الشرطه ده هو نظامها كده اللى انتوا شايفينوا ده .
    أسلوبهم أسلوب الشرطه فى أى مكان فى العالم , اسلوب التعامل بأن لا يفل الحديد إلا حديد مثله .
    إقروا شويه اللى بيحصل فى العالم وبلاش جهل .
    هو إنتوا عايزين تعيشوا فى سيبه وبلطجه ؟
    إن كان عاجبكم تسيبوهم يشتغلوا كده أهلا وسهلا ,,,, مش عاجبكم يالا يا جدعان .. يالا طالبوا الرئيس مبارك بالغاء حاجه اسمها شرطه ولا داخليه من الوجود .. وخللى البلد تبوظ وإياكش تولع !
    هو الأخ اللى مات ده , إشمعنى هو اللى اعتقلوه يعنى ؟
    إييييييييييه ؟؟؟ …….. بينه وبينهم أملاك ولا فلوس ولا خلاف على نسوان ؟
    طيب يا حضرة المعترض على الشرطه منك ليه ليه ليه :
    ليه ما أعتقلوكش إنت مثلا ؟ إشمعنى ده بالذات ؟
    أنا مش فاهم انتوا بتفكروا إزاى ؟
    وعلى فكره … آخر حاجه أقولهالكم عشان أنا مرارتى اتفقعت , الشرطه بتاعة اليومين دول دى طيبه جدا .
    هههههههههههههههههههه بتدلعكوا كتير أوى .
    لو كنتم عايزين تشوفوا الشرطه المصريه على أصولها : كنتوا شوفوها ايام الملك فاروق وعبد الناصر والسادات وفترة التمانينات فى أوائل عهد مبارك .
    الشرطه كانت أصعب مليار مره من دلوقتى .. وما كنت تعرف ترفع عينك فى عين مخبر شرطه مش ضابط ولا مأمور .. ولا كنت تقدر تفتح بقك وتتكلم براحتك زى دلوقتى .
    أصل اللى ماا يعرفش يقول عدس .
    يا رب تكونوا فهمتوا قصدى .
    سلام .

  14. الزعيم 11/01/2011 00:42 -

    والله الى بيحصل ده ظلم من الامن الى عايز يرضى الطرف الاخر على حسابنا

  15. طوق الياسمين 10/01/2011 02:46 -

    والله دي بقت حاجه تأرف وعيشه تأرف لما بأقل الحاجة مافيش امان فبلدنا دي بقت بلد مؤرفه وكل حد يشتبه فيه يموت يعنى بالزمه مش قلة ادب البلد دي الحكومه كلها لازم تتغير والله لما يوم زي راس السنه وقدام كنيسه مش اول مره تثار فيها مشاكل بل لثالث سنه يبقى علي الاقل يتشال وزير الداخليه مع انه كمان المفروض المحافظ اللي زي قلته مش بيعمل حاجة غير بيكسر الارصفه علشان هو شريك فالشركه بتاعت البنى ارحمونا بقي

  16. رودي 10/01/2011 01:53 -

    هل يرضي السيد المحترم حبيب العدلي بهذه المهزله

  17. مسلم صحيح .... بس عنده ضمير 09/01/2011 23:59 -

    مش عارف ما المقصود بالسلفى؟
    هل إسمه أو نأبه سلفى أى إسم العائلة سلفى ؟
    أم “”””
    أنه داعيه أو خطيب مسجد منسوب إلى السلفيين الغجر .
    إذا كانت الثانية فاليذهب فالله لا يسامحه وعقبال الباقيين لأن كل هؤلاء وعلى رأسهم الأخوان المسلمين والجماعات الأسلاميه هم سبب الفتنة التى بدأت تمتد لها جذور فى أرض مصر الطاهرة .
    أما لو كانت الحالة الأولى فالله يرحمه رحمة واسعة وغفر لرجال الأمن الذين يريدون الوصول للحقيقة , وبلاها منظمة حقوق الأنسان بلا كلام فارغ .

  18. مصري 09/01/2011 21:25 -

    وذنبه ايه الشاب داه ياجماعة عمر ابداا ماحد سلفي او صوفي او واحد مصري يقدر يقوم بهذا الحادث لان المصري عنده غيره علي بلده ومش يقدر يفجر نفسه لان الدين والشرع حرم ذلك واللي عذب هذا الشاب لازم يتم تقديمه للمحاكمة فوريا لاننا يجب علينا ان نقف بجوار الشباب مش نكرهم في البلد بالتعذيب مصري جدااااااااااااااااا

أضف تعليقاً