عز رداً علي اتهامات الغول: احمد ربنا إنك نجحت

رداً علي اتهامات النائب عبد الرحيم الغول للحزب الوطني بتدميره بعد استبعاده من رئاسة لجنة الزراعة في المجلس وهي اللجنة التي احتكرها الغول لسنوات طوال قال احمد عز امين التنظيم في الحزب الوطني معاتبا الغول في بهو مجلس الشعب وبحضور أحد النواب ” إحمد ربنا انك نجحت انت مش عارف انا اتحديت مين عشانك .. انت كانت رقبتك مطلوبة بعد أحداث نجح حمادي وانا عشان خاطرك ضغطت علي الجميع عشان تيجي عضو مجلس شعب فبلاش طمع يا عبدالرحيم وكل عيش ولم نفسك الدنيا مش نقصاك” . جدير بالذكر ان أحمد عز كان قد عرض علي عبدالرحيم الغول بعد الضجة والهجوم الشرس عليه نتيجة أحداث نجع حمادي والتي اتهم بأنه المحرض وراء الاحداث ان يتنحي من الترشح للمجلس الجديد ويقدم ابنه مع ضمان نجاحه ولكن الغول رفض بشدة قائلا يلعن ……..!! انا عايز استمر في المجلس وانا قدمت الكثير للحزب وحان الوقت ان يثبت لي الحزب انه لا يبيع رجاله وانا مش شوية واللي قدمته كتير وبالفعل نجح الغول في المجلس وهو ما أثار اعتراض الكنيسة وكان سببا في زيادة الاحتقان ودافعا لقداسة البابا علي الاعتكاف .

المصدر :الانباء الدولية

9 comments
  1. ويشرد اسرهم ويشحتوا ومش يلاقوا حد يديهم

  2. العركاوى 23/01/2011 00:40 -

    اذا كان الغول لهو يد فى حادث نجع حمادى يبقى عايز شنق فى ميدان عام لان المسلم والمسيحى كلهم مصريينونحن فى قرى الصعيدكلنا رجل واحد بنحب بعض سواء فى المدرسة0فى الشارع0 فى المقاهى 0 فى المناسبات0 فى الافراح0 فى الواجب نواجبهم0ويواجبونا0ونودهم0ويودونا ندخل بيوتهم وهم يدخاو بيوتنا ولايفرقنا لاالمحرمات0000والى بيحصل دة من المندسين الخونة اللذين لايعرفون وطنيتهم لانهم خائنين لمصر والمصريين 00سواء مسلمين او مسيحيينوالذين يهربون من عدالة القانون فهناك عدالة اكبر واكثر وهى عدالة ربنا سبحانة وتعالى لامفر منها000وربنا يقوى مبارك على المندثيين الظالمين ويقوى جهاز الشرطة عليهم يارب00وقولو يارب وادعو لمبارك ان يطهرنا من الحاقدين على الوطن00000مصر مصر مصر000تحيا مصر0000وكل منا يدعو لشهدائة بالرحمة 0مسلمين00ومسيحيين0ودائما يامصر الى الامام بقائدكالمخضرم 0ودائما لمصر يامبارك0العز والكرامةوالشهامةوالفخر لكل انسان ان يكون لهو 000قائد00مبارك0مثل 00الرئيس0محمد حسنى مبارك00وعشت لمصروشعبهامن المخلصين الطيبين الوطنيين 0من مسلميين او مسيحيين00مسيحيين اومسلميين00000000اهداء من ابناء محافظة قنا00المقيمين بشمال سيناء

  3. ابنالدلتا 17/01/2011 21:43 -

    هي دي بلدنا وهم دول القائمين عليها!!!! واقول لهم جميعا اتقوا الله فينا وخذوا عظة من اللي حصل في تونس . الناس كلها مخنوقة وعلى آخرها, كفاية باة حرااااااااااااااااااااااااام عليكم !!! لو كانت دامت لغيركم ماكانتش وصلت لكم , يعني رايحيين له رايحيين له والحساب يجمع !!! طبعا كلهم عارفين الكلام ده بس زهوة السلطة عامياههم.

  4. مسلم صادق 14/01/2011 00:43 -

    بسم اللة الرحمن الرحيم ….( قال المصطفى عليه افضل الصلاة والتسليمات من آذى ذميا فقد آذانى ))…بجد انا زعلان اوى على الى بيحصلنا دة طول عمرنا عايشين ايد وحدة ومافيش بينا فتنة .. وبصدق مع انى مابحبش كلمة اضطهاد ولا ذكرها فعلا اخواتنا المسيحيين فى شدة ..اكتر اسفزاز ليهم الى بيحصل دة ازاى امثال الغول يبرتعوا فى الدنيا كدة .. مع ان بسببة ابرياء كتير اتقتلوا يقوموا يدخلوا مجلس الشعب تانى .. هى الدنيا حصل فيها اية .. بجد انا خجلان من تصرف الاغبياء الى بكدة بيشوهوة صورة الاسلام والى الاسلام بريئ منهم والقضاء الظالم الى بيساعد على دة … لو القضاء كان عادل مرة وحدة بس من الاول ماكنتش المجازر دى بتحصل الغايت دلوقتى ..ولا كان وصل بينا الحال اننا ناخد موقف من بعض ويحصل بينا فتنة …كانت اتوقفت المجازر دى بس ياخسارة على حكومتنا وقضاءنا………..

  5. أمين 12/01/2011 22:46 -

    لما الغول السفاح اللى تسبب فى الفتنة الطائفية القاتل المارق خط الصعيد المحمى من السلطة لما يترشح وينجح ويسانده المهندس أحمد عز أعلى رأس فى السلطة السياسية وفى الحزب اللى ربنا نكبنا بيه وبرجالاته ..أنا مجنون وأنتم عقلاء ماذا يسمى المجلس صاحب قراره فى تلك المصيبة التى أبتلينا بها .اتلا يكون هذا استفزاز للشعب المصرى وقهر لأرادته ..وقس على ذلك بتاع الكفته والحرامى والنصاب ومروج المخدرات وبتاع النسوان والحشاش والقمرتجى وصل بينا الحال لأن يكون ممثلينا فى مجل الشعب من هذه النوعية ..دمرتم مصر المحروسة وطفشتم العلماء الناجحين وحطمتم آمال الشباب .حسبنا الله ونعم الوكيل فيكم يا بعدا….

  6. مصري عربي مسلم 11/01/2011 20:20 -

    أى أن الانتخابات الأخيرة هى فى الحقيقة انتهاك لعرض الشعب المصري ، فهل توافقونى الرأى ؟؟؟؟

  7. ماشاء الله مين احمد عز ده ال يتحكم حتى فى مين ينجح او يترشح لمجلس الشعب و مين الغول خدام الحزم ايه الدولة المقرفة دى ده كلام فارغ اذا كان هذا عز يتحكم فى اعضاء مجلس الشعب فماذا يفعل بنا رحم الله دولتنا التى ماتت و تعفنت و التف حولها الكلاب و الذباب

أضف تعليقاً