أحلام شباب التويتر حول رئيس مصر القادم بسيطة يمكن تلخيصها في 140 حرفا كما يشترط التويتر قبل فتح باب الترشيح لـ الانتخابات الرئاسية أمس تشارك الشباب بأحلامه في هاش تاج.
مطلوب من الرئيس وفيه الجدل حول تأييد أحد المرشحين المحتملين الذين سيصبح بعضهم مرشحين فعليين في الأيام القادمة وتحديد مواصفات عامة لابد ان تتوافر في المرشح الذي سيعطونه اصواتهم.. ومنهم.
علاء سواح : مطلوب من الرئيس أن يمشي في الشارع من غير حراسة.
* يوسف ميقلش علي الخواف حكيم ويكون سمعه سليم يسمع لنبضة قلبنا ويكون مكانه في وسطنا ميعش ابدا في القصور والبعض منا للاسف ساكنين قبور.
* فاروق : لايحل مشاكل ولايقدم حلولا سحرية يستعين بمجموعة متخصصين في كل المجالات يأسسوا نظام محفز حازم رادع يفرم المخالفين.
* يسرا سليم : ما يفرضش علينا نقول لمراته يا ماما. ربنا يخلي لينا أمهاتنا ولو مراته محجبة ماتقلعش الحجاب عشان بقت مرات الريس.
يضع نصب عينيه إستقلال القرار الوطني للسيادة المصرية ويستعيد للوطن قوته الناعمة في المحيط العربي والعمق والافريقي.
* سمير ماركو : يبقي انسان مطلب طبيعي بس صعب.
* عادل الجزار : تحديد اهداف برامجهم الرئاسية مع الالتزام بأوقات زمنية لتحقيق هذه الاهداف.
* مينا عبدالمسيح يمنع المواكب في الشوارع
* انجي : كل اطياف الشعب تعامل بعدل ومساواة من غير عنصرية ومحسوبية.
* مجدي : ميخافش من امريكا ولا أي دولة اخري مادام علي حق.
* أحمد : إعادة تأميم شركات القطاع العام المباعة بأقل من قيمتها وإعادة اراضي الدولة التي تم تخصيصها بدون وجه حق.
* قاسم : يجدد ثقة الشعب بنفسه ويمهد طريق الأجيال لصناعة الحضارة الغائبة من سنين.
* عمرو مفيش حاجة اسمها خبير عشان يشغل اللي فوق ال60 كفاية الخبرة بتاعتهم اللي جابتنا ورا
* باهر عماد : التأمين الصحي للمواطنين . نفسي يجي يوم تتوفر رعاية طبية كويسة للشعب.
يارب احمى مصر من كل شر وحميها من اعداءنا ويكون لنا رءيس يكون وطنى لم يكون عميل ويجمع شمل العرب
ربنا يوفق مصرنا العاليةبرءيس يكون عسكرى حكيم اول مرة ويخاف من ربناوتكون مدة واحدة وربنا يهدى لمصرالاكفاء ويلم الامة العربية ويكون مئل الزعيم جمال عبدالناصر
ان يخاف الله فينا وان يعلم ان الكراسى الى زوال وان يعلم ان لو بات مصرى من غير طعام سوف يسالةا لله عن ذلك وان يرد المظالمالى اهلها وان لايخاف من بنوادم فيكون قرارة نابع منه وليس من غيره
يكون راجل مش عايزين اكتر من كده
انا عايز واحد يحل مشكلة العمالة اللى من 84 مااتعينوش لحد النهارد لان الناس كلهم عندهم اسر يعيشو الذاى
يتقى ربنا فى الشعب واحنا هنعبش على قد امكانيات البلد بشرط وجود عدالة اجتماعية بين كافة المصريين وميكنش فى وساطة ومحسوبيات فى جميع المجالات
يحس بالشعب و يبقى ديما عادل مع نفسه و مع الشعب يحاول على اقد ما يقدر يروح بنفسه الاماكن العشوائية علشان فعلن يحس بينا
اولا يكون عادل لان العدل اساس الحكم متواضع بابه مفتوح للجميع يتقى الله فينا قيادى قوى ذكى عنده رؤيه لحل مشاكل مصر الداخلية والخارجية قادر على ارجاع كرامة المصرى فى الداخل والخارج وحماية حدود وامن مصر قادر ايضا على محاربة فساد النظام السابق وتتطهير من الفاسدين ومحاربة محتكرين السوق ومحاربة ارتفاع السلع والخدمات لكى يستطيع محدود الدخل ان يعيش عيشة كريمة وقادر على توفير الماكل والمشرب والمسكن وتعليم اولاده وعلاجهم رغم دخله البسيط الحل ليس فى رفع المرتبات الحل فى محاربة ارتفاع السلع والخدمات رئيس قادر على تطوير وتقديم مصر اورجاع دور مصر القيادى بين الدول العربية يسطيع عمل علاقات خارجية تساعد على اتحاد الدول العربية والله يولى من يصلح الى مصر وشعب مصر ان شاء الله
اخضر وبأستك وعليه كشكش عالداير