محمود سعد بالاحضان ولميس الحديدي بره ميدان التحرير

محمود سعد بالاحضان ولميس الحديدى بره الميدان.
كتب / حسن السبيرى

استقبل شباب الثورة اليوم الاعلامى الكبير محمود سعد بالهتاف ” محمود سعد رجل الشعب ” واحتضنوه فى فرحة عارمة وأقتادوة الى الخشبة ليلقى كلمة على شباب التحرير وبعد ان شق الثوار الطريق لسعد بين الحشود وبالرغم من التعب الذى تربع على وجهه محمود سعد جراء هذا التدافع والزحام الا انه احتفظ بأبتسامته الجميله على وجهه دون ان يشعر احد بتعبه وعندما صعد سعد على الخشبه تعالت الهتافات مره اخرى محمود سعد رجل الشعب فأمسك سعد بالميكروفون قائلا انا مش قادر اتكلم بس هقول جمله واحده الشعب يريد اسقاط النظام لينفجر الثوار مرددين خلفه الى ان نزل سعد واتجه الى شارع طلعت حرب وهو يشق طريقه وسط احضان معجبيه وتحياتهم ، وفى سياق متصل التف الشباب بالامس خلف لميس الحديدي التى طاردوها فى ميدان التحرير مرددين بره بره بره جاء ذلك نتيجة اعتراض كثير من الشباب على السياسه التى اتبعتها لميس فى ادارة ثورتهم وبعد ان خرجت وسط حراستها اخذ الشباب يرددون ياشهيد نلم ورتاح واحنا انكمل الكفاح.

10 comments
  1. ابو حميد 19/02/2011 09:09 -

    المفروض رواتب الموظفين تزيد النص مش علاوة 15%(يعني برده المستفيد هوا صاحب الراتب الكبير … اذا الراتب 500 ج يبقي 575) وكمان مش ثابتة ايه حقنة البنج دي ..اطلعم بقرار مطمئن يقول ان الرواتب هتتحسن خلال المدة القادمة كفاية تخدير بأه وتوسيع الفجوة بين الطبقات …..العدل اساس الملك….ارحموا الشباب اللي بيموت نفسه عشان يهاجر في البحر لدول اوروبا….اللي معندهاش مصادر وثروات طبيعية أد مصر …..طمنوا الناس يا جماعة ارحموهو من الفقر الكاسح ….في رجاله بتبيع نفسها عشان الفلوس من الفقر…والمليارات المسروقة اللي رجعت لبلدها دي يتعمل بيها مشاريع للشباب بدل مبيهاجر ومقلول قيمته بره بلده..اتقوا الله

  2. ياجماعة ماينفعش ال انتوا بتقوله مخمزد سعد معروف بنزاهة برضه وربنا يحفظنا ويحفظكوا ويعدى الايام ال الجايه على خير يارب اللهم امين

  3. ابو حميد 15/02/2011 10:47 -

    بسم الله الرحمن الرحيم (( ولو أن أهل القري آمنوا واتقوا لفتحنا عليهم بركات من السماء والأرض))…صدق الله العظيم…….ان من يعز امر الله ورسوله يعزه الله……اجعلوا دستوركم القرآن وقدوتكم اهل القرآن….تنالوا صلاح الدنيا والآخره…..بخصوص مابعد انتصار الشعب وكثرة المظاهرات…قال رسول الله صلي الله عليه وسلم الذي رفق بالمسلم وغير المسلم..قال ((ماجعل الرفق في شيء الا زانه وما نزع من شيء الا شانه)))…اللهم ارضي عنا واجعلنا من اهل الرفق وأجرنا من خزي الدنيا وعذاب الاخره…آمين

  4. ابو حميد 15/02/2011 10:40 -

    يا جماعة خللوا قدوتكم اهل الدين والورع ومسكوهم اموركم حتي لو مرضيوش

  5. مصرية 15/02/2011 03:39 -

    لازم ياجماعة نتنبه لكل هؤلاء المتلونين من اعلاميي هذا الوقت فهم اخطر على الثورة من اي شيء . ولابد ان نعي تاريخهم الاسود ولاننساه ابدا فمن المستحيل ان تتحول الذئاب الى حملان بهذه البساطة . ومن هؤلاء المتلونين عماد اديب (المرشح لوزارة الاعلام) و عمرو اديب (المتباكي) والاختين الحلوين هناء وسيد .. والقائمة طويلة… حفظ الله مصر من كل الشرور.

  6. محمد 12/02/2011 18:07 -

    مش عارف لكن موقف جميل اوي اللي عمله واخد اجازة من التليفزيون المصري
    اما لميس الحديدي فصحيح فضلت في التليفزيون المصري بس كانت بتقول الحقيقة عالاقل في الكام يوم اللي شوفتها فيها

  7. انسان 12/02/2011 15:16 -

    يعنى اللى يتوب مش ينفع يتوب ولا زنوبه تفضل ماسكه فيه طول عمره ومش يغفرها ليه ربه ويدخل الجنه اتقوا الله بقه شويه ياعالم كفايه يعنى لو تابت زانيه او كافر او مشرك لاتقبل توبته يعنى حراااااااااام بقه

  8. هدير 12/02/2011 14:33 -

    انانا مش مع الاعلام المصرى دة اعلام كله مزيف مش بيقولوا الحقيقة كله كان خايف على مراكزه من محمود سعد للميس الحديدى لكن خليك مع الاعلامين الا كانوا مع الشباب فى المظاهرات الا ما خفوش من حاجة هما دول الا نقول من الثورة ومن الشعب

  9. فارس بجواد 11/02/2011 18:56 -

    محمود سعد صار بطلا
    وكان بالأمس أحسن لبيس فنانات
    الشباب الذي يجعل مثل هذا بطلا شباب ينقصهم الوعي
    يخدعون بشعارات الإخوان

أضف تعليقاً