وضعت جماعة الإخوان المسلمين خطة محكمة لضمان فوز مرشحها الدكتور محمد مرسي في انتخابات الرئاسة التي تنطلق اليوم حيث تم إلزام كل عضو من أعضاء الجماعة وحزب الحرية والعدالة بأن يحضر 20 عضواً علي الأقل للتصويت لمرسي وتم اعداد كشوف وأسماء هؤلاء الناخبين للتواصل معهم هاتفياً عبر رسائل “اس ام اس”.
وأكد مصدر مطلع أن خطة الجماعة للتحرك تبدأ من الساعة الخامسة فجراً حيث يتخذ كل مندوب مكانه اضافة إلي تواجد كثيف أمام اللجان للايحاء بقوة مرشح الإخوان حيث سيقف الإخوان بالعشرات في مقدمة الناخبين لرسم صورة ذهنية أن الجميع قادمون للتصويت له اضافة إلي تفريق أعضاء آخرين بين الصفوف لعمل الدعاية الوقتية اضافة إلي الآلاف ممن يحملون قاعدة بيانات الناخبين لمساعدتهم في التصويت في هدوء وأعلنت الجماعة والحزب حالة الاستنفار في جميع قواعدهما بالمحافظات. استعداداً لبدء الجولة الأولي للانتخابات.
وتعتبر لجنة “الحشد” الأهم بالنسبة للجماعة حيث سيقف نحو 10 مندوبين أمام كل لجنة لاستقطاب الأصوات التي لم تحسم موقفها للتصويت لمرسي وهؤلاء يمثلون نحو 50% من عدد الناخبين كما ستقوم الجماعة بتوصيل أعضائها وأنصارها مجاناً ورصدت نحو 50 مليون جنيه لذلك اضافة إلي مشاركة الشرطة والجيش في تأمين المقار الانتخابية حيث يتواجد 25 إخوانياً أمام كل لجنة لتأمين إدلاء المواطنين بأصواتهم. وعليهم المبيت أمام اللجان لحماية الصناديق مساء.
ربنا يقدم اللى فيه الخير
مين اللى قال انى الاخوان مبيحملوش اى خير لمصر اكيد الكلام ده اشاعة لها غرض واضح وصريح ومن غير مقوله اكيد كلناعرفينه اتمنى من كل مصرى يخشى ربه انه يساهم بصوته لاول مرة فى حياته ليكون رئيس مصر المحروسة امامه من يخشاه ويهابه (الله سبحانه وتعالى)رجاء بقدمه لرموز الاخوان المسئولين لابد ان تراقبوا تصرفات من تاخذونهم وجهة لكم فهم عليهم مسئولية كبرى فى نفور الكثير من اعطاء صوتهم للدكتور / محمد مرسى _________ اتمنى من كل مصرى مسلم او مسيحى يختار بصوته التجديد ومينساش دم الشهداء اللى هيروح بلاش لو اخترنا واحد من النظام البائد ونراعى ربنا فى اهاليهم اللى هيروح منهم المعاش لو نجح ||||||||| وكل واحد يحاول يسال نفسه ليه الحزب الوطنى بيسنده بكل ما فيه من قوة وطاقةاكيد اكيد علشان يعودوا من تانى ويستفيدوا بكل شيى زى ما كانوا زمان بل بكل غل وانتقام لان بالهم سنة محرومين من الخير اللى كان بيعم عليهم واحنا هنتنينا زى ما كنا نتخانق على رغيف العيش والانبوبة ونخسر فرصتنا الكبيرة فى التفرغ للعلم والاختراع والتقدم
انا واحد من الناس اللى من الطبقه الميح ومش عارف اعمل ايه لو على ولا على مراتى هنستحمل بس الابنات الاطفال هيستحملو ازاى كل واحد مسك منصب ومرعاش الشعب ربنا يولع فيه عشان احنا اللى بندفع التمن وهم يقعدو فى السجن ويصرفو على نفسيهم من قوت الغلابه اللى زى بس شد الحزام شد الاحزام لغايت مهنموت من الجوع احنا وعيلنا منهم لله
على العموم انا فوط امرى لله مبينساش حد وانا لو لقيت نفسى مش قادر ااكل عيالى مش هنحرف بس هروح التحرير وهشحت هناك لو ده يعجب الناس اللى وقفو حلى وحال البلد الله يخربيتك يا مبارك انت وعيالك هربت المليارات وفى ناس فى احتياج ليهم منك لله حسبى الله ونم الوكيل
انا عاوز ااكل بناتى ياهـــــــــــــــــــــــووو اعمل ايه ومفيش شغل محدش راضى يشغلنى عندو بيقلولى انى كبير 37 سنه كبير برضو
اخوانى سلفى اللى هيمسك اللى ربنا كتبلو الولايه على الشعب المصرى اهم حاجه انو يراعى ربنا فى الشعب وفى نفسو قبل الشعب
hhاللهم ولى على مصر الرجل الصالح
الله يختار الافضل للمصر لأن مصر قلب الأمة العربية وأتمنى من الله العلي القدير أن يختار للمصر من يحفظ عليها الأمن والأمان ويحفظ لها مقدراتها وما تحتوي من خيرات وموارد طبيعية لأبناء مصر
اتقوا الله ولا تجعلوا الدين وسيله للوصول الى اغراض مش تماام معرفش هو انا بس اللى عارفه ان ف رشاوى من الجماعه اكيد الكل شايف كنت اتمنى انها تكون انتخابات نزيهه واه لو كرسى الرئاسه كان ل مرشح غير الاخوان فسنسال عن ذلك ليه هو احنا دلواتى وقبل كده كنا بنعبد الاصنام لا حول ولا قوة الا بالله………………..
وف رشاوى كمان ذى الزيت وسكر ولحمه وغيرها وفلوس كمان طبعا دا اسلوب رخيص اوى لجماعه الاخوان وادام هما اللى عملوا كده يبقى اكيد الراشى والممرتشى مش ف النااااار خالص
يارب التوفيق للربنا ريده ان شاء الله الاحسن للبلادوللشعب وللفقره وللتسول ولليطاله ولقمه العيش وللتعليم وللعلاج للمرض للاماكن العشوقيه وللصحه للعجزه وللشباب العاطل وللتلوث من جميع المقهى والتدخين ……اكيد ربنا مش هيخزلنا فى رئيس يرعينا ان شاء الله ………..
لو ذهب كرسى الرئاسة إلىمرشح غير إسلامى فسيكون الإخوان السبب وسيسألون عن ذلك أمام الله والشعب
نشكر لجنة الانتخابات على جهدها الخارق في تنظيم الانتخابات